Dili, 23/08/2012— Komisáriu CAC Adéritu de Jesus Soares no Komisáriu Adjuntu José de Jesus das Neves, horiseik halo sorumutu koordenasaun ho Komandante Jeral Polisia Nasional Timor-Leste Longuinhos Monteiro ho nia ojetivu atu hametin lasus servisu entre instituisaun rua ne’e.
Sorumutu nebé halo iha Kuartel Jeral PNTL koalia kona-ba asuntus importante balu inklui planu atu halo formasaun hamutuk entre PNTL no CAC relasiona ho areas balu nebe sei defini iha tempu oin mai no husu PNTL atu fornese apoiu siguransa ba CAC nia servisus.
Asuntu sira ne’e sei refleta iha Nota Intendementu (NI) ida no dokumentu ne’e tuir planu sei asina iha tempu besik ne’e.
Parte rua oras oras ne’e estuda hela esbosu Nota Intendementu ne’e.