Comissão Anti-Corrupção

Dili – Iha loron Sesta-feira (30/10) loraik, KOmisariu Comissao Anti Corrupcao (CAC) Dr. Sergio Hornai ensera ofisialmente Avaliasaun Internal durante loron rua. Molok nee, durante loron Komisaun realiza soru-mutu publiku no rona peritus nasional sira nian hanoin kona-ba Planu Esratejiku Comissao Anti Corrupcao (PECAC) 2021-2025 nian iha Salaun João Paulo II Konventu Filhas de Maria Auxiliadora (FMA) Comoro Dili.

Husi Soru-Mutu Publiku nee, Komisaun bele iha PECAC diak ida atu orienta no haraik responsabilidade boot ba iha (Espesialista Anti-Korrupsaun) sira atu halo akonselamentu ba iha instituisaun Estadu no povu Timorense tomak iha luta sagradu prevene no kombate korrupsaun.

“Ita atu hakat ba liur presija hadia uma laran. Se hakarak hakat ba iha liur tenki iha Planu Estratejiku ida diak, la iha konhesimentu ida didiak! Ita iha problema. Ita atu hakat hanusa? ita lao hanusa? no bainhira mak ita atu too ba iha neba? Entaun, ita presija iha PECAC ida,” Katak Komisariu Dr. Sergio iha ninian lian menon ikus.

Komisariu Sergio hatutan teni PECAC 2021-2025 neebe sei formula husi Komisariu Adjunto ba Asuntu Servisu Apoiu no Kooperasaun Dr. Alexandre Freitas ho asesor DR. Augosto Fatima  nee nudar direktris no giauan ida atu orienta manuain Komisaun nian hodi halo servisu prevensaun no investigasaun kriminalidade nian.

Ho PECAC katak Komisariu Serdio Timoroan sira bele alkansa objetivu komun no abstratu hodi halo alienasaun ba iha objetivu Estadu ninian, Timor livre husi pratika krimi korrupsaun. PECAC sei garante no asegura direitu fundamental sidadaun (Timorense) ninian ba iha aksesu justisa.

“Terseiru Mandatu (Komisariu) nian hatoo parabens e konkistas ne’ebe mak ita boot (EAK) sira halo tiha ona. Hau temi konkistas tamba ita boot sira nian pasiensia, paisaun, responsabilidade, korajen, determinasaun no iha vontade boot halo obras boot sira neebe mak ita boot sira halo tiha ona (iha tinan 10 nian laran),” Afirma Terseiru Mandatu Komisariu CAC Dr. Sergio Hornai.

“Ita iha ambisaun boot, iha idealismu ida boot, ita iha paisaun ida boot hodi hametin Estadu de Direitu hodi halo rejeisaun ba iha korrupsaun para atu hakat,” Komisariu Sergio sublinha.

Misaun preene no kombate korrupsaun iha Timor-Leste sei hasoru dezafius no obstakulus oin-oin maibe ho komitmentu EAK sira nian atu sai ema sabedoria, mesajeiru diak no interpreter diak! Timoroan sira sei fo duvidas no hela ho insertea atu aksesu ba iha justisa. “Ita iha paisaun, iha carinho iha misaun lulik ida ne’ebe lei haraik mai Komisaun; Prevensaun korrupsaun, investigasaun criminal no kooperasaun nasional ho internasional sei lao ho diak. Ita husu apoiu ba iha governu (no povu Timorense) para ita bele prevene no kombate kriminalidade korrupsaun,” Komisariu Sergio afirma. (*)

Dili – Iha loron Kinta-feira (29/10) ohin too Sesta-feira (30/10) aban, Comissao Anti Corrupcao (CAC) realiza avaliasaun internal hafoin realiza soru-mutu publiku hodi rona peritus nasional sira nian hanoin durante loron rua kona-ba Planu Esratejiku Comissao Anti Corrupcao (PECAC) 2021-2025 iha Salaun João Paulo II Konventu Filhas de Maria Auxiliadora (FMA) Comoro Dili

Komisariu CAC Dr. Sergio Hornai iha nia lian nakloke hateten durante loron Komisaun ho ninian estrutura tomak husi Senior Management CAC, asesor sira no Espesialista Anti-KOrrupsaun (EAK) sei deskuti tematika no forsa trabalho neebé Komisaun halo tiha ona iha tinan 10 nian laran iha luta prevene no kombate korrupsaun iha rai doben Timor-Leste.

“Ita deskuti sa mak ita halo tiha ona tinan 10 ba kotuk too mai ohin. Ita atu buka hatene loloos ita nian identidade, ita nian natureza, ita nian misaun, ita nian kompetensia no mos ita nian komportamentu sira,” Katak Komisariu Sergio.

Terseiru Mandatu Komisariu CAC nian hamutuk ho EAK durante loron rua koalia ba malu Komisaun ninian servisu nobre iha area justisa hafoin TL restaura ninian independensia nudar Estadu soberanu ida.

Durante loron rua soru-mutu publiku katak Komisariu Sergio relembra fali ba EAK sira oinsa oradores principal partilha hanoin lubuk balun no fo votus konfiansa, esperansa no mos dezafia Komisaun nudar orgaun polisia espesializada atu prevene no kombate krimi korrupsaun ho ninian krimi koneksaun sira iha ninian dezenvolimentu institusional estruturadu, organizadu, sistematiku ona ka lae seidauk.

Komisariu Sergio hatutan teni, se EAK sira hanoin ba relfesaun hirak ne’ebé mak peritus nasional sira hatoo durante loron rua mak Komisaun hakarak ka lakohi CAC tenki sai organizasaun ida neebé mak tenki pronto no saudavel ho papel estratejiku no importante hodi halo konsolidasaun boa-governasaun iha politika prevensaun no mos investigasaun criminal nian iha rai doben Timor-Leste.

“(ita) tenki prontu no tenki hamrik iha fileira oin sai organizasaun ida ezemplar ba iha instituisaun sira seluk,” katak Komisariu Sergio.

Ho Soru-mutu Publiku loron rua ba kotuk katak Komisariu Sergio, CAC tenki sai preferensia ida plena iha ninian komportamentu, iha ninian aksoens sira para atu bele akonselia ka lori ema seluk atu mai halo tuir sasan hirak neebe mak CAC halo tiha ona durante tinan 10 iha luta kolektiva prevene no kombate korrupsaun..

Durante loron rua ba oin, EAK sira teknikamente sei koalia kona-ba prevensaun hanusa EAK sira hotu sei koalia Komisaun nian organika halo oinsa inklui ninian estatutu organika no ninian direitus no deveres sira hotu.

“Ita sei koalia konaba dezenvolvimentu institusional, kona-ba kuadrus legal internal CAC nian, kona-ba promosaun rekursu humanu, dezenvolvimentu infra-estrutura no prestasaun servisu,” Komisariu Sergio afirma.

“Ohin hakarak halo avaliasaun ida nakonu ho emosaun, konstruktivu para atu bele hadia ita ninian servisu iha (kada) unidade, diresaun, iha ambrela Comissão Anti-Corrupção ninian,” Komisariu Sergio salienta. (*)

     (Komisariu CFP Liurai Taci; “Se mak Abuza Demais! Demisaun”)

Dili – Ekipa Fiskalizasaun Konjunta (EFK) kompostu husi Polisia Nasional Timor Leste (PNTL), Direção Nacional de Transportes Terrestres (DNTT), Ministerio Financas (Patrimonio Estado), Comisão Função Publica (CFP) no Comissao Anti Corrupcao (CAC) apela ba funsionariu publiku sira atu ba festeja loron Finadu iha idak-idak nian horik fatin hamutuk ho familia la ho kareta Estadu.

Apela ne’e hato’o liu husi Pontu Fokal CAC  nian ba EFK Dr. Euclides Madeira  iha Konferensia Imprensa neebé halao iha Salaun João Paulo II Konventu Filhas de Maria Auxiliadora (FMA) Comoro Dili Kinta-feira (29/10) ohin.

Deklarasaun EFK Kompletu

EFK hakarak fo sai ba publiku relasiona ho loron feriadu ba Finadu ne’ebe mak sei hahu iha dia 31 Outobro too ba iha dia 3 Novembro 2020. Tamba ida ne’e EFK hakarak fo sai ba ekipa lojistika iha Ministeriu no Sekretariu Estadu idak-idak ne’ebe mak utiliza patrimoniu ka viatura Estadu tantu kareta no motor atu halo medidas balun hanesan tuir mai nee;

1. Hahu iha loron Sesta-feira (30/10) iha tuku 17:30 OTL hafoin horas servisu kareta hotu tenki destaka iha fatin servisu. LA FO AUTORIZA ba UTILIZADOR ida atu lori ba iha ninian uma.
2. Ba viaturas Estadu nian neebe mak atu halo movimentasaun karik durante loron feriadu Finadu nian tenki hetan lisensa ou autorizasaun husi superior hierarkia ba asuntu servisu no laos ba asuntu privadu.
3. Ba utilizador sira neebé mak LA KUMPRI chamada eskrita neebé mak ami (EFK) fo sai tiha ona ba Ministeriu no Sekretariu Estadu sira! Sira ninian utilizador sira neebe mak la kumpri! Halo favor parte lojistika informa imidiata ba iha EFK.
4. EFK sei halao vizita ba iha ministeriu no Sekretariu Estadu sira neebe mak hetan ona karta chamada para atu hatene implementasaun husi chamada ne’eb’e mak ami fo sai tiha ona iha loron Kuarta-feira horseik.
5. Sei fo autorizasaun ba viaturas Estadu atu halo movimentasaun durante loron feriadu hanesan; Ambulansia, Bombeiros, servisu EDTL, PNTL, F-FDTL no servisu sira neebé mak halo atendimentu ba dezastre naturais ne’ebé mak akontese.
6. Husu ba publiku, sosiedade sira mos atu ajuda EFK hodi halo kontrolu ba movimentasaun iaturas Estadu duranteferiadu Finadu liu husi meius; halo video no hasai fotografias bele tau-posting iha media social publika no mos bele haruka mai iha media social FB offisial Comissão AntiCorrupção ninian. Hodi nune’e, ami (EFK) bele prosesa ba iha hahalok sira nee.
7. EFK sei halao movimentu iha durante loron feriadu ninian laran para atu hare’e movimentasaun viaturas Estadu nian iha teritoriu Timor-Leste. KOmandu Jeral Polisia Nasional Timor-Leste (PNTL) mos hasai tiha ona ordem atu halo aktuasaun represivu iha munisipiu idak-idak hodi halo detensaun ba kareta no utilizador hafoin informa mai iha EFK para atu halo prosesa tuir dalan legal.
8. Ba utilizador viaturas kareta Estadu neebe mak la kumpri chamada neebe mak fo sai ona sei hetan prosesu criminal no prosesu disiplinar ka administrative nian iha CFP.

KOmisariu CFP ba Asuntu Disiplinar Faustino “”Liurai Taci” da Silva

Bomdia ba funsionariu publiku iha Timor laran tomak. Tantu funsionariu kargu chefia sira neebé mak uza patrimoniu Estadu hodi servi ba ita nian rai ida nee tantu motorizadas no kareta.

Hakarak fo hanoin katak tuir lei neebé uzu kareta Estadu (Plat G) apartir 7 horas dader too 7 horas kalan deit. Liu horas ida nee lae. Kuandu liu horas ida nee tenki iha autorizasaun husi funsionariu nee ninian ulun boot servisu nian.

Maibe, tenki ba iha objetivu ida laos lori fali kareta Estadu ba pasiar iha tasi ibun, para iha festa fatin. Kareta Estadu nian tenki uza tuir disiplina Estadu ba interese Estadu nian. Satan, Sesta-feira (30/10) agora loron primeiru dia ba loron Finadu iha Segunda-feria (2/11) katak ita sei feriadu iha loron hirak nian laran too ba iha dia 3 Novembro.  

Entaun, husu ba funsionariu publiku Timor-Leste laran tomak liu-liu kargu chefia sira neebe simu kareta no motor Estadu nian atu stasiona hela iha servisu fatin durante loron feriadu naruk Finadu nian. Hafoin feriadu no tama fali servisu mak uza fali kareta hirak nee ba asuntu Estadu nian.

Labele uza fali kareta Estadu ba tula ai-funan ba rate, ba tula aimaran mai sunu iha para bele prepara ba tau ai-funan. Ida nee hau fo atensaun nudar Komisariu ba Terseiru Mandatu nian atu FP iha Timor laran tomak hanoin didiak ida nee.

Apela ida nee nudar luta ita Funsionariu Publiku nian atu kontra irregularidades ida nee atu hamenus despezas no manutensaun ba patrimoniu Estadu nian. Funsionariu sira ne’ebé mak viola hodi la kumpri apela ida ne’e sei simu konsekuensia administrativa no criminal.

Apela EFK fo sai ona mak viola nafatin, CFP sei foti medidas forte hasoru funsionariu (“malandru”) sira ho represaun eskrita, suspensaun no bele demisaun. Kuandu se mak hakarak abuza demais uza sasan Estadu nian la tuir regras ne’ebe mak iha sai (demisaun).

Ita tenki servisu diak ba Estadu. Hau (ita) nian maluk sira mate ba rai ida nee 200 mil ital karik ohin loron ita lori sira ninian obra mai too iha Ukun Rasik-An ida ne’e atu servisu seriu. Se hakarak halimar fali ho sira ninian sakrifisiu diak liu fila ba uma.

Prezensa iha Press Conference EFK nian ne’e mak Inspector Chefe PNTL Inocencio Freitas, João da Sila Pontu Fokal Direção Nacional de Transportes Terrestres (DNTT), Pontu Fokal Patrimonio Estado Ciprioano Pereira, Komisariu CFP Faustino “Liurai Taci” da Silva no Euclides Madeira husi CAC. (*)

Dili – Komisariu Comissão Anti-Corrupção (CAC) Dr. Sergio Hornai  hatoo agradesimentu no obrigado wain basu ba konvidadus no palestrantes sira husi Parlamentu Nasional (PN), Governu, Sosiedade Ciil, Akademiku, Konselhu Imprensa, Camara Commercio e Industria Timor-Leste (CCI-TL), Tribunal Rekursu, Ministeriu Publiku, Alfandegas, Konfisoens Relijiosas ne’ebé hatoo ona sira ninian kontributu ba formalasaun Planu Estratéjiku Comissão Anti-Corrupção (PECAC) Periodu 2021-2025 ne’ebé halao iha Salaun João Paulo II Konventu Filhas de Madres Auxiliadora (FMA) Comoro Dili.

“Hau hakarak lori Comissão Anti-Corrupção (CAC) nian naran atu agradese ba ita boot sira tamba bele kontribui ona ho Comissão Anti-Corrupção ba iha Konsulta Publiku ida ne’e,” Katak Komisariu Sergio iha ninian lian agradesimentu ba konvidadus no palestrante sira Kuartafeira (28/10) loraik ne’e.

Konsulta Publiku ida ne’’e katak komisariu Sergio nudar forma ida atu eksplora matenek nain Timoroan sira ninian matenek, konhesimentu iha prekursu Timor-Leste (TL) ninian restaurasaun independensia no mos wainhira Komisaun estabelese ho finalidade ida atu elabora TL ninian Planu Estratejiku Comissão Anti-Corrupção (PECAC) iha period tinan lima (5) mai tinan 2021-2025.

Iha Mandatu Komisariu antesisior sira Komisariu Sergio admiti hamosu ona Planu Estratejiku 2011-2020, iha ne’ebé metas balun mak Komisaun hamutuk ho entidades relevante alkansa ona maske balun seidauk.

“Entaun, ita presija halo re-adjustamentu para atu haree fila fali forsa trabalho sira ne’ebé mak instituisaun ida ne’e rekere no mos mai husi ita ninian komunidade no ita nian Estado,” KOmisariu no eis-Defensor Geral Republica Dr. Sergio sublinha.

“Tamba ida nee duni, ami tenta buka hatene katak se ita la halo parseria ida, la hetan partisipativu ida diak! Entaun, sentidu partense ba iha estratejia ida nee la abranje ba ema hotu-hotu nian hanoin,”.

Ho ida ne’e, Komisariu Sergio no estrutura tomak durante loron rua  halibur  kbit sira hotu, prekursu iha entidades Timorense sira ninian preukupasoens hodi envolve sociedade civil, konfisoens relijiosus, governante sira, lejislador sira, juizes, prokurador, akademiku ninian matenek, perspetivas ba iha elaborasaun PECAC 2021-2025 nian.

Komisariu Sergio mos lori estrutura tomak agradese ba Camara Commercio e Industria (CCI) Timor-Leste, Prezidenti Conselho Imprensa (CI), Prezidenti Konselhu Fundus Petrolifero, CNA, ADN no FONGTIL.

Komisariua konsidera ho Sorumutu Publiku ida ne’’e nudar forma husi ambisaun boot ida ne’ebé mak Terseiru Mandatu Komisariu nian hakarak halo koordenasaun no kooperasaun institusional hodi hametin Timoroan sira nian forsa politika no atu hametin liu tan servisu prevensaun ba iha kombate kriminalidade korrupsaun.

“Se nesesariu ita halo medidas represivu hanesan ultimo rekursu wainhira medidas preventive ninian labele ona rekopensa. Dala ida tan lori hau nian kolega Espesialista Anti-Korrupsaun (EAK) sira ho estrutura (Terseiru Mandatu Komisariu) nian hatoo obrigado ba iha konvidadus no palestrante sira,” Komisariu Sergio afirma. (*)