Comissão Anti-Corrupção

Dili – Komisariu Comissão Anti-Corupção (CAC) Dr. Adérito Pinto Tilman fo tomada de posse ba Espesialista Anti-Korrupsaun (EAC) nain sia (9) ba prense kargu direitur no chefe unidades iha loron Sesta-feira (15/10) loraik iha edifisiu Farol, Dili.

Komisariu Tilman iha nia diskursu hateten serimonia tomada de pose hanesan loron importante iha historia Segundu Mandatu (2014-2018) Komisariu CAC nia tamba EAC hamutuk nain sia hetan fiar hodi assume responsabilidde ba servi povu no nasaun iha esforsu prevene no kombate korrupsaun iha nasaun doben Timor-Leste (TL).

“Hau fiar katak diretores no chefe unidade hirak ne’ebé simu tomada de posse iha loron ohin sei halao sira nia knar ho responsabilidade tuir natureza Komisaun nian,” katak Komisariu Tilman iha nia diskursu.

Serimonia ne’e nudar pasu positive id aba oin iha esforsu funsionamentu CAC ne’ebé iha rasik ona Estrutura Organika no Kareira Espesial ne’ebé hetan aprovasaun husi Konselhu Ministru iha loron 16 fulan Junhu no hetan promulgasaun husi Prezidenti da Republika no publika iha Jornal da Republika iha loron 29 fulan Julhu 2015.

“Hau hakarak kongratula no hato’o parabens ba pesoal EAC hirak ne’ebé ohin hetan nomeasaun, laos deit promosaun ba sira nia kareira maibe aumenta naha todan no responsabilidade boot ne’ebé sei koko sira nian kredibilidade, transparensia, assertividade, integridade, konsistensia no persistensia iha sira nian asaun tuir valour xavi hirak ne’ebé artipula iha Planu Estratejiku CAC 2012-2020 (PECAC),” katak Komisariu Tilman.

Komisariu Tilman hatutan liu tan katak CAC nia susesu mak iha kolaborasaun diak no esforsu koletivu entre EAC sira hodi halao knar ho responsabilidade, integridade a’as, seriedade no asertivu iha servisu fatin tuir prinsipiu legalidade no objetivu anti-korrupsaun nian.

Prezensa iha serimonia ne’e mak Komisariu Adjuntu ba Prevensaun no Sensibilizasaun José “Sama Larua” Neves, Komisariu Adjuntu ba Servisu Apoiu no Kooperasaun Manuel Bucar Corte Real, Komisaria Comissão Função Pública (CFP) Olandina Caeiro Alves no EAC ho nia familia sira.

EAC nain sia (9) ne’ebé simu pose kompostu husi kargu direitur nain rua; Diretor do Serviço de Apoio e Cooperação Carlos Bento Maubere no Diretor de Prevenção e Sensibilização Rosário Salsinha de Araújo. Kargu Chefias Unidade hitu (7) mak; Chefe Unidade de Pessoal de Apoio Luis Ersio de Jesus Ximenes Guterres, Chefe Unidade de Cooperação Alexandre F. Freitas, Chefe Unidade de Gestão Financeira e Logística Maria Virginia Pereira da Costa Belo, Chefe Unidade de Planeamento, Aquisições e Contratação Sergio Gonçalves, Chefe Unidade de Estudos e Avalação de Riscos Abrão José Freitas, Chefe Unidade de Inspeção e Monitorização Antonino Alves da Cruz, Chefe Unidade de Promoção de Valores e Integridade Leonilda Rosa Soares Lobato. (*)

Dili – Comissão Anti-Corrupção (CAC) halao sorumutu trabalho ida ho Administrador Apostoliku Deocese Dili Reverendíssimo Bispo Dom Basílio do Nascimento, Pr iha loron Sesta-feira (2/10) iha Residência Episcopal, Bidau Lecidere, Díli.

Objetivu husi sorumutu ne’e atu informa servisu CAC nian iha área de prevensaun no actividades sensibilizasaun públika ne’ebé organiza hamutuk ho Comissão de Paz e Justiça Diocese de Dili nian.

CAC rekonhese prezensa influensia Igreija Católica, proposta atu formaliza kooperasaun institusional entre CAC ho Comissão de Justiça e Paz Dioceses tolu nian liu husi memorandu de entendimentu ida.

Reverendíssimo Bispo elojia servisu CAC nian no manifesta ninian kontinuasaun apoiu ba CAC  nian servisu diak hodi estabelese kooperasaun institusional formal ida entre CAC ho Igreija Católica ne’ebé reprezenta husi Comissão de Paz e Justiça iha área prevensaun no sensibilizasaun públiku.

Ekipa CAC lidera husi Komisariu Dr. Adérito Pinto Tilman, akompanha husi KOmisariu Adjuntu ba Asuntu Prevensaun no Sensibilizasaun Publiku José “Sama Larua” Neves, Komisariu Adjuntu ba Asuntu Apou Tekniku no Kooperasaun Manuel Bucar Corte Real no Adviser ba UNCAC no Kooperasaun Internasional no Institusional Jonas Guterres. (*)

Dili – Comissão Anti-Corrupção (CAC) had a work meeting with the Most Reverend Bishop Basilio Nascimento on Friday, October 2^nd at the Episcopal Residence, Bidau Lecidere, Dili.

The objective of the meeting is to inform the work of CAC in the area of prevention and public awareness raising activities jointly organized with Commission of Peace and Justice in Diocese Dili.

CAC, acknowledged the influential presence of the Catholic Church, proposed to formalize institutional cooperation between CAC and Commission of Peace and Justice in all 3 Dioceses through the memorandum of understanding.

The Most Reverend Bishop commended the work of CAC and expressed his continuous support to the work of CAC and to establish formal institutional cooperation between CAC and the Catholic Church, represented by Commission of Peace and Justice in the area of prevention and public awareness raising.

CAC team led by Commissioner Adérito Tilman, accompanied by Deputy Commissioner of Prevention and Public Awareness, Mr. Jose “Sama Larua” Neves, and Adviser for UNCAC, Institutional and International Cooperation, Mr. Jonas Guterres. (*)

Dili – Senior Management Comissão Anti Corrupção (CAC) hasoru malu ho Nai Ulun Prezidenti Parlamentu Nasional (PN) Vicenti Guterres iha loron Kinta-feira (1/10) iha Salaun Sorumutu Prezidenti PN Dili.

Objetivu husi sorumutu ida ne’e atu informa servisu CAC nian iha area prevensaun, kooperasaun institusional no internasional no Timor-Leste nian obidensia nudar estadu parte ba iha implementasaun Konvensaun Nasoens Unidas Kontra Korrupsaun (UNCAC) no papel ativu Timor-Leste nian iha Inisiativa Anti-Korrupsaun estadu Ilhas Kiik sira.

CAC mos aprezenta draftu lei anti-korrupsaun ba Nai Ulun Prezidenti PN. Nai Ulun PN hateten lei anti-korrupsaun hanesan lejislasaun prioridade ne’ebé sei tau iha meja plenaria PN atu deskuti molok ba eleisaun tuir mai.

Alem ida ne’e, Nai Ulun PN Guterres elojia servisu CAC nian durante ne’e no sujere atu koloka maior enfaze ba iha asuntu prevensaun no kolaborasaun institusional entre instituisaun publiku sira iha esforsu prevene no kombate korrupsaun.

Ekipa CAC lidera husi Komisariu Dr. Adérito Pinto Tilman, akompanha husi KOmisariu Adjuntu ba Asuntu Prevensaun no Sensibilizasaun Publiku José “Sama Larua” Neves, Komisariu Adjuntu ba Asuntu Apou Tekniku no Kooperasaun Manuel Bucar Corte Real no Adviser ba UNCAC no Kooperasaun Internasional no Institusional Jonas Guterres. (*)