Comissão Anti-Corrupção

Dili – Iha loron Sesta-feira (13/7) Kompania Leste Art Filme ofisialmente entrega ba Comissao Anti Corrupção (CAC) filmi ho konteudu atu prevene Timoroan sira servisu iha Instituisaun Publiku hadok aan husi pratika korrupsaun. Filmi ho titulu “Korrupsaun Mosu iha Ezersísiu Servisu Funsaun Públika nian” ne’ebé finansia husi United Nation Office on Drugs and Crime (UNODC) iha Timor-Leste. Serimonia halao iha Salaun Reuniaun CAC Farol Dili.

Partisipa iha serimonia entrega filmajen ne’e mak Komisariu Adérito Pinto Tilman, Komisariu Aduntu Manuel Bucar, Espesialista AntiKorrupsaun (EAK) parte prevensaun no reprezentante Kompanha Leste Art Filme ho autor iha filmajen ne’e rasik.

Filmajen ho durasaun 18:39 minutus no nian storyline ba  iha servisu funsaun publika nian ne’e bazeia ba rezultadu peskiza CAC nian ne’ebé hatudu pratika korrupsaun akontese iha ezersisiu funsaun Públika nian.

Produsaun filmajen ne’e nudar materia prevensaun korrupsaun ne’ebé UNODC no CAC produs atu disemina informasaun kona-ba perigu aktus korrupsaun ba future nasaun doben Timor-Leste. Filmajen ne’e mos nudar meius efetivu prevensaun CAC nian atu Timoroan sira ne’ebé haknaar an iha instituisaun publiku bele hakribit pratika korrupsaun ho ninian konsekuensia sira wainhira monu ba krimi korrupsaun.

Iha seremonia ida ne’e, Komisariu Adérito Tilman agradese ba partes hotu ne’ebé envolve direta no indireta iha prosesu produsaun filmajen badak ne’e husi inisiu too mai iha nia rohan hodi sai filmajen edukativu diak ida atu sai referensia diak ida ba Timoroan sira iha esforsu prevene aan monu ba pratika korrupsaun iha ezersisiu funsaun publika nian.

“Agradese ba esforsu tomak hodi finaliza filme badak  ne’e , no publiku bele akompanha  tanba hahalok sira ne’e mak sempre mosu iha ezersisiu funsaun publika nian” katak Komisariu Tilman iha ninian intervensaun.

Reprezentante Kompania Leste Arte Filme Silvano Xavier Rodrigues agradese ba CAC ne’ebé akompanha prosesu produsaun video ne’e hahu husi loron dahuluk too remata.

“Ida ne’e hanesan esperensia ida ba ami hodi hatene kona ba lalaok korrupsaun nian ne’ebe mak mosu iha ita rain,” katak produtór, Leste art Filme Silvano Rodriques

Partisipa iha seremonia ne’e mak Komisariu Adjuntu Apoiu servisu no Kooperasaun Manuel Bucar, director, Chefi Unidade CAC nomos  aktor sira ne’ebe mak involve iha produsaun filme ida ne’e.

Ida ne’e ba dala rua iha Komisariu Aderito Tilman  nian lideransa CAC produs video ho materia prevensaun korrupsaun iha Timor-Leste. Ida video dokumentariu no ida seluk filmi badak ho ninian script writer mak funsionariu CAC, Florentino Gusmão Goulart. (*)

Dili – On Friday (13/7), filmmaker Leste Art Film officially handover a short film to the Anti-Corruption Commission (CAC) with content to prevent East Timorese public servant to avoid themselves from corruption acts. The film title is “Corruption Occurs in Public Institutions” that funded by the United Nation Office on Drugs and Crime (UNODC) in Timor-Leste. The event held in CAC Meeting Room Farol Dili.

The ceremony was taken part by Commissioner Adérito Tilman, Deputy Commissioner Manuel Bucar, some staffs of Prevention Directorate and representatives of film making company.

The 18:39 minutes movie with story-line in a public institution based on the CAC’s own research results which corrupt practices occurs in Public Services Commission.

The aim of this film is to disseminate information about the harm of corruption to the future of Timor-Leste. The film is also another way to educate East Timorese public servants in preventing and avoiding corruption and its consequences.

In this event, Commissioner Aderito Tilman expressed his high appreciation to all parties involved in the production process from the beginning to the end that later it became a good reference for East Timorese as an attempt to prevent them to avoid the temptation of corrupt practices in public service institutions.

“I am grateful and appreciated to all efforts been made by film crews until this movie can be completed on time. Now the public can follow through this film that actually this kind of practice that regularly occurred in their daily workplace. The film will be a very effective educational material to prevent corruption in the future, ” Commissioner Tilman said in his intervention.

“High appreciation also goes to UNODC through UNDP in Timor-Leste who financed this short film production,” Commissioner Tilman added.

Representative of the company Leste Art Film Silvano Xavier Rodrigues expressed his appreciation to CAC who has followed the production process of this film from the beginning to the end.

“This is one of our valuable experiences to know how corruption takes place in this country,” said Rodrigues. Participated in this film launching event is Commissioner Tilman, Deputy Commissioner Bucar, Directorate of Prevention staffs and actors who involved in the film production.

Under the leadership of Commissioner Aderito Tilman, CAC has produced two videos; one in documentary video and the other video is a short film where all contents were corruption prevention materials with Script Writer is a CAC staff; Florentino Gusmão Goulart. (*)

Dili – Komisáriu Comissão Anti-Corrupção (CAC) Adérito Pinto Tilman akompaña husi Komisáriu Adjuntu Manuel Bucar Corte-Real, Direitor Investigasaun Agosto Castro no Chefe Unidade Kooperasaun Joao Correia do Rosario simu universitarius ho professor hamutuk nain 15 husi Victoria University Melbourne Australia Kinta-feira (12/7) ohin iha edifisiu CAC Farol Dili.

Objetivu husi VU nian vizita mai CAC atu universitariu sira iha oportunidade hasoru malu ho lideransa CAC nian no buka deskobre kona-ba Komisaun nian funsionamentu atu garante kultura korrupsaun la prevalese iha pais doben ida ne’e no oinsa Komisaun nian servisu aborda área sira ne’e karik korrupsaun existi iha várias partes iha sosiedade Timorense.

Universitariu Victoria University sira ne’e mai husi departamentu arte ho edukasaun no lei ho justisa iha ne’ebé akompanha husi sira nian professor Dr. Siewfang Law no Mr Daniel Goldworthy.

Komisariu Adérito Pinto Tilman hateten ba univertariu VU sira katak “VU naran morin no diak iha povu no nasaun ida ne’e nian fuan. Komunidade akademiku VU belun diak ba Timor oan sira iha tempu pasadu iha luta libertasaun nasional,” Katak Komisariu.

Iha oportunidade ida ne’e, Diretor Investigasaun no Chefe Unidade Kooperasaun aprezenta ba universitariu sira knar Komisaun nian tuir Lei No. 8/2009, 1 Julho kona-ba estabelesimentu CAC. Esplika mos ba universitariu sira papel Komisaun nian ho dezafius servisu CAC infrenta iha tinan ualu (8) nian laran.

“Espera VU sei kontinua nafatin sai belun diak agora no iha future ba Timor oan sira  atu nune’e staff CAC sira mos iha oportunidade ba tuir treinamentu ruma iha VU Australia iha futuru,” Komisariu salienta liu tan. (*)

Dili – Horseik Tersa-feira (10/4) loraik, Komisáriu Comissão Anti-Corrupção (CAC) Adérito Pinto Tilman hato’o relatóriu annual 2017 nian ba Parlamentu Nasionál (PN) akompaña husi Komisáriu Adjuntu Manuel Bucar Corte-Real, Direitores no staff balun.

Aprezentasaun relatóriu annual tinan 2017 ho nian pajinas hamutuk 109 ne’e ba Dahat ka dala ikus ba Komisáriu CAC, Adérito Pinto Tilman hafoin nian mandatu remata nudar Segundu Mandatu Komisáriu CAC TL nian iha loron 15 Julho 2018.

Komisáriu Adérito Pinto Tilman hato’o ona karta offisial ba Prezidenti PN Arão Noe Amaral no Primeiru Ministru Taur Matan Ruak hodi nomeia Komisáriu CAC foun. Komisáriu Tilman sei kontinua fali nian servisu nudar prokurador hafoin remata ninian mandatu hanesan Komisáriu CAC durante tinan hat.

Segundu Mandatu Komisáriu CAC Adérito Tilman troka Komisariu tuan Aderito de Jesus Soares hodi lidera instituisaun foun ne’e ba esforsu luta kontra krimi korrupsaun ne’e iha loron 15 Julho 2014 hamutuk ho Komisáriu Adjuntu nain rua; Manuel Bucar no Rui Pereira dos Santos durante tinan hat.

Ho espetativa husi povu ne’ebe a’as tebes konsege halo investigasaun kriminal korrupsaun balun no ezekuta programa edukasionál hodi halao sorumutu no workshop ne’ebé involve rihun ba rihun estudantes, lider komunitáriu, konfisoens relijiosas no funsionáriu Estadu iha teritoriu tomak ho diak.

Iha Komisáriu Tilman nian mandatu, CAC investigate no akuza ona offisiais governu nivel a’as hamutuk nain hat ba krimi korrupsaun, simu despaisu husi Ministeriu Públiku ba kazu hamutuk 117 ne’ebe CAC investiga no kompleta ona relatoriu ba Ministeriu Publiku.

Tipu krimi identifikadu iha Segundu Mandatu mak abuzu poder, partisipasaun ekonomia iha negosiu, pekulatu, administrasaun denoza no falsifikasaun dokumentu.

Halao sorumutu ka workshops liu 100 iha teritoriu tomak hanesan parte edukasaun kampanha. Kompleta ona relatoriu tekniku lubun ida unklui monitor persepsaun korrupsaun nasaun no peskiza integridade ba seitor publiku.

Maske hasoru dezafius oin-oin Komisáriu Adérito Pinto Tilman kontinua mantein rede servisu forte ho entidades tomak iha TL; governu, PN, medía no ONG no liga instituisaun CAC ba ajensia anti-korrupsaun nasaun seluk hanesan Indonesia, Macau, Malaysia, Singapura, Hong Kong, Australia, Amerika no nasaun seluk iha rede internasionál ba luta kontra korrupsaun liu fronteira nasaun. Dirijente Senior no staff CAC nian mós partisipa ativa iha konferénsia no treinamentu iha rai laran no rai liur.

Durante mandatu tinan ha’at Komisáriu Adérito Tilman hamutuk ho Komisáriu Adjuntu nain rua mós lori CAC halo servisu ativamente ho ajénsia internasionál ba programa luta kontra korrupsaun; UNODC (United Nations Organization of Drugs and Crime), UNDP (United Nation Development Programme), Embaxada Estadus Unidos Amerika iha Timor-Leste. Asina MoU ho Malaysian Anti-Corruption Commission (MACC) Malaysia no Komisi Pemberantasan Korupsi (KPK) Indonesia.

Governu oras ne’e dadaun iha prosesu atu deskuti no haruka naran Komisáriu CAC foun ba PN hodi halo eleisaun atu atinji objetivu 2020 Comissão nian iha Terseiru Mandate Komisáriu nian. (*)