Horiseik loroik, molok atu remata semináriu nebe organiza husi Komisaun Anti-Korrupsaun konaba fortifica dezemphenhu funcionáriu públiku konaba kombate no prevene korrupsaun, Ministériu Negosiu Estranjeiru deklara “Hatete Lae ba Korrupsaun.” Lia fuan hirak ne’e participante sira mak hakerek no asina iha kuadru mutun ida nebe iha mapa Timor-Leste nian. Lia fuan ne’e hatudu katak Ministériu Negósiu Estranjeiru iha komitementu ba rekursu públiku nian sira tenki uza ho efektividade no oinsa iha governasaun mos.
Semináriu loron ida ne’e konsentra ba asuntus hirak hanesan atu hasa’e konhesimentu staff Ministeriu nian konaa papel no funsaun Komisaun Anti-Korrupsaun nebe lei defini ona, halo sosializasaun konaba Konvensaun Anti-Korrupsaun ONU nian (UNCAC) no oinsa atu promove kooperasaun entre parseiru relevante sira konaba implementasaun Tratadu ne’e iha Timor-Leste no oin sa atu hametin liu tan mekanismu ida atu kontrola konaba efektividade husi uza rekursu publiku nian, inkluindu financeira publiku no oinsa atu funsionáriu públiku sira bele mitiga riskus korrupsaun iha funsaun publiku.
Semináriu ne’e Ministru Negósius Estranjeitu Zacarias Albano da Costa maka loke no akompanha husi Komisáriu CAC no nia adjuntu na’in rua, Manuel Bucar no Jose Neves. Partisipantes hamutuk 80 resin, inkluindu Vice-Ministru Negósius Estranjeiru Alberto Carlos, Sekretariu Jeral, Diretores Jeral no Nasional no funsionáriu regular ministériu nian mak hola parte iha seminiaru ne’e to’o rohan.
Ministru da Costa iha nia diskursu abertura afirma Ministériu Negosiu Estranjeiru nia komitementu no suporta maximu atu kolabora no atu servisu hamutuk ho CAC hodi prevene no kombate korrupsaun iha ministériu nia laran. Ministériu Negósius Estranjeiru, ho diresaun Konseilhu Ministrus nian, representa Governu Timor-Leste, hamrik iha oin, responsabiliza ba asuntus konaba relasoens diplomátika, internasional kooperasaun, konsular no atu defende no proteje interesses Timor-Oan nian iha estranjeiru. Komisáriu de Jesus hatete katak CAC iha komitementu atu kontinua servisu maka’as ho Governu Timor-Leste atu harii konfiansa no atu prevene no kombate korrupsaun públiku iha funsaun públiku.
Semináriu ne’e ne’e hanesan parte iha husi servisu CAC nian ba ministériu tomak atu hodi prevene no kombate korupsaun iha funsaun públiku.