All posts by Media CAC

Comissão Anti-Corrupção (CAC) Tersa-feira (8/11) ne’e ofisialmente hahú fó formasaun ba Especialista Anti-Corrupçao (EAC) foun hamutuk nain 24 iha edifisiu Sentral CAC Farol Dili no loke husi Komisariu CAC Sergio Hornai. Formasaun sei halao lor-loron durante tinan ida no sei termina iha fulan Novembro 2023.

Formador ba formasaun ne’e mai husi asesor internasionál, asesor nasionál no Komisariu Adjunto sira. Hafoin formasaun, Komisaun sei halo avaliasaun ba formandus sira ninian komportamentu, partisipasaun disiplina hodi ofiisializa formandus na’in 24 ne’e sai EAC permanente iha CAC.

Komisariu Sergio Hornai iha ninian intervensaun ba formandus sira hateten formasaun ida ne’e ejiji formandus sira ninian kualifikasaun aas, intendementu ba materias sira aas atu hala’o knaar ho objetividade, legalidade nune’e bele oferese justisa formál ho kualidade di’ak ba povu no nasaun doben Timor-Leste.

Read More

Comissão Anti-Corrupção (CAC) Segunda-feira (7/11) loraik ne’e ofisialmente realiza serimonia termu aseitasaun ba Especialista Anti-Corrupçao (EAC) foun na’in 24 nudar Estajiariu durante tinan ida iha edifisiu Sentral CAC Farol Dili.

Iha Prezidente juri Luis Ersio ninian relatóriu revela katak, molok CAC rekruta EAC foun na’in 24 ne’e hodi simu termu aseitasaun ohin liu prosesu naruk husi tinan 2021 iha etapa inskrisaun to’o etapa ikus teste fiziku iha Akademia Polisia Nasional Timor-Leste (PNTL) Comoro iha fulan Outobro 2022.

Read More

Delegasaun Comissão Anti-Corrupçao (CAC) Timor-Leste durante semana ida (5-9/09/2022) partisipa no hato’o deklarasaun politika iha konferénsia internasionál estadu parte Konvensaun Nasaun Unida Kontra Korrupsaun (UNCAC- Sigla Inglesh) iha Viena Austria.

Konferensia internasionál UNCAC ne’e klasifika ba asuntu rua (2) mak hanesan; sorumutu atinjimentu sira ba deklarasaun politika adoptadu husi sesaun espesiál Asembleia Jerál Kontra Korrupsaun (UNGASS) nian, no sorumutu kona-ba rezumu dahuluk sesaun dasanolu resin tolu kona-ba Grupu Revizaun Implementasaun (IRG).

Read More

Komisariu Comissão Anti Corrupção (CAC) Sergio Hornai ho project Manager Kompanha Visimitra Unipesoal LDA Fitri Setiawan Sesta-feira (28/10) ohin ofisialmente asina Kontratu Publiku Nu. Kontrato RDTL 2/KON/CAC/X/2022 hodi implementa Projeitu ICB/01/CAC/VII/2022 kona-ba “Fornesimentu Ekipamentu & Instalsaun Sistema Infra-Estrutura  Information Technology (IT) CAC”.

Tipu projeitu ida ne’e International Competitive Bidding (ICB) ne’ebé CAC loke no kompanha internasional hamutuk 21 mak compete ka apply ba projeitu ida ne’e no ikus mai ekipa juri lidera husi Komisariu Adjunto ba Asuntu Servisu Apoiu no Kooperasaun Alexandre Freitas desidi kompanha Visimitra sai manan nain.

Read More