Comissão Anti-Corrupção

Anti-Corruption Commision of Timor Leste

Komisariu CAC Sergio Hornai ho Manager Kompaña Visimitra Asina Kontratu Projetu Fornesimentu Ekipamentu & Instalsaun Sistema Infra-Estrutura  IT CAC

Komisariu Comissão Anti Corrupção (CAC) Sergio Hornai ho project Manager Kompanha Visimitra Unipesoal LDA Fitri Setiawan Sesta-feira (28/10) ohin ofisialmente asina Kontratu Publiku Nu. Kontrato RDTL 2/KON/CAC/X/2022 hodi implementa Projeitu ICB/01/CAC/VII/2022 kona-ba “Fornesimentu Ekipamentu & Instalsaun Sistema Infra-Estrutura  Information Technology (IT) CAC”.

Tipu projeitu ida ne’e International Competitive Bidding (ICB) ne’ebé CAC loke no kompanha internasional hamutuk 21 mak compete ka apply ba projeitu ida ne’e no ikus mai ekipa juri lidera husi Komisariu Adjunto ba Asuntu Servisu Apoiu no Kooperasaun Alexandre Freitas desidi kompanha Visimitra sai manan nain.

Valor projeitu ida ne’e hamutuk USD 231.775 atu kompanha fornese ekipamentu no instalasaun sistema infra-estrutura IT CAC nian.

Partisipa mos iha serimonia asina kontratu ida ne’e mak Komisariu Adjunto ba Asuntu Investigasaun Kriminal Augoato Castro no estrutura Epesialista Anti Corrpcao (EAK) iha Diresaun Servisu Apoiu Kooperasaun nian. (*)