Category Featured Stories

Komisariu Adjuntus nain tolu (3); Augostu Castro, Luis Sampaio, Alexandre Freitas no ofisial Kooperasaun Espesialista Anti-Korrupsaun (EAK) nian Tersa-feira (21/6) semana ne’e simu vizita kortezia ida husi Delegasaun the International Monetary Fund (IMF) lidera husi Pablo Lopez iha Salaun Sorumutu CAC Farol Dili.

Objetivu husi vizita no halao sorumutu kortezia IMF ho superior CAC ida ne’e, fo oportunidade ba reprezentante IMF atu halibur informasaun kon-ba konsiensializasaun korrupsaun iha timor-Leste ne’ebé CAC halao ona durante tinan 12 nian laran, institusional ho kuadru legal no restrisaun kapasidade. (*)

Comissão Anti Corrupção (CAC) hetan apóiu husi United Nation on Drugs and Crime (UNODC) Segunda-Feira (20/06) ohin hahú realiza formasaun tékniku kona-ba aperfeisoamentu koñesimentu autoridade kompetente iha Sistema rejime Deklarasaun Rendimentu, Bens no Interese (DRBI) ba Espesialista Anti-Korrupsaun (EAK) hamutuk na’in 15 iha salaun Konferénsia Otel Timor-Dili.

Formasaun tékniku ne’e fasilita husi Eis-Juizu Dr. Tilman Hoppe, LL.M, peritu internasional ne’ebé suporta reforma iha nasaun 40 resin iha área prevensaun no investigasaun korrupsaun, espesifikamente ba área Deklarasaun Rendimentu, Bens no Interese sira, iha ne’ebé sei fó formasaun ba Espesialista Anti-Korrupsaun durante semana ida nia laran (20 to’o 24 fulan juñu semana ne’e).

Read More

Empreza Telekomunikasaun Indonesia Telekomcel ho inisiativa konvida Comissão Anti-Corrupção (CAC) liu husi Diresaun Prevensaun no Sensibilizasaun (DPS) lidera husi Komisariu Adjuntu Luis de Oliveira Sampaio, akompaña husi Xefe Unidade Inspeksaun no Monitorizasaun Antonino Alves, Kuarta-Feira (15/06) ohin ba hala’o sensibilizasaun Lei Nú. 7/2020-Medida Prevensaun no Kombate Korrupsaun (MPCC-Sigla Portuges) ba responsavel empreza Telkomcel no nia tékniku sira iha edifisiu sentrál Telekomcel, Timor-Plaza, Dili.

Inisiativa husi empreza internasionál ne’ebé hala’o servisu nu’udar operadór telekomunikasaun iha Timor-Leste ne’e hato’o sira nia pedidu kona-ba sosializasaun lei nú 7/2020-MPCC mai CAC tanba presiza atu buka intende provizaun balun ne’ebé ko’alia mós kona-ba krime iha setór privadu iha lei refere atu nune’e sira mós bele prevene-an la monu ba krime korrupsaun.

Read More

Ekipa Kontrolu Comissão Anti-Corrupção (CAC) no Provedoria dos Direitos Humanos e Justiçã (PDHJ) lidera husi Komisariu Adjuntu Prevensaun no Sensibilizasaun Luis de Oliveira Sampaio no Adjuntu Boa Governasaun-PDHJ José Cristovão Segunda-Feira (13/6) ohin hasoru malu ho Vice-Ministro Comercio e Industria ho nia ekipa hodi partilla infromasaun ba malu kona-ba prosesu preparasaun implementasaun programa sesta-bázika segundu faze iha edifisiu MTCI Bebora Dili.

Sorumutu ne’e, CAC no PDHJ hakbesik ho Vice-Ministru Turizmu Komersiu no Industria hodi rona no buka hatene informasaun profunda ba prosesu preparasaun programa sesta-bázika, liu-liu iha parte MTCI ninian. CAC no PDHJ hato’o mós kestaun balun kona-ba informasaun sira liga ho preparasaun tékniku husi orgaun implementadór ba implementasaun programa Sesta-Bázika ne’e.

Read More