Category Featured Stories

Komisariu Comissão Anti-Corrupção (CAC) Sergio Hornai akompanha husi Komisaru Adjunto ba Asuntu Prevensaun no Sensibilizasaun Luis de Oliveira Sampaio ho estrutura Espesialista Anti-Korrupsaun (EAK) Unidade DRBI nian Segunda-feira (4/7) semana ne’e halao vizita ofisial mai Munisipiu enclave Oecusse.

Iha loron dahuluk vizita ofisial delegasaun Komisariu CAC nian Segunda-feira (4/7) loraik ne’e, Komisariu Sergio Hornai halao sorumutu kortezia ida ho estrutura principal autoridade RAEOA tomak nian ne’ebé lidera husi Prezidenti Adjunto RAEOA Leonia Monteiro ho objetivu atu hametin kooperasaun iha luta kolektiva Timoroan sira nian ba prevene no kombate korrupsaun.

Read More

Komisariu Adjunto Comissão Anti-Corrupção (CAC) ba Asuntu Prevensaun no Sensibilizasaun, Luis de Oliveira Sampaio akompanha husi Diretor Rosario Araujo ho estrutura Prevensaun korrupsaun Sesta-feira (1/7) semana ne’e, aprezenta rezultadu deskobrimentu konaba rekrutamentu ofisial guarda florestal ne’ebé fulan kotuk sai debate nivel nasionál tanba indika eziste poténsia irregularidade durante prosesu rekrutamentu.

Aprezentasaun analiza ba rekrutamentu prelimináriu ne’e, ekipa delegasaun CAC aprezenta ba Diretor Geral Floresta nomos nu’udar Prezidenti Ekipa Juri rekrutamentu nian, Raimundo Mau ho ninian estrutura tomak iha Salaun Diresaun Jeral Florestas, Café e Plantas Industriais – MAP nian, iha Caicoli Dili.

Read More

Komisariu Comissão Anti-Corrupção (CAC) Dr. Sergio Hornai hetan konvite husi Ministério Obras Públika iha Tersa-Feira (28/6) ohin hodi sai oradór iha atividade sensibilizasaun materia rezolusaun Guvernu no 130/2021, kona-ba jestaun uzu patrimóniu Estadu ba kargus Diretór, Xefia no Funsionariu sira iha Ministério Obras Públika nian iha Edifisiu Otel City 8 Manleuana, Dili.

Komisariu Sergio Hornai sai oradór iha eventu sensibilizasaun ne’e hamutuk ho Prezidente Komisaun Funsaun Públika (KFP) Inspetór Jerál Estadu (IJE), Komandante Polisia Tránzitu (POLTRANZ) no Diretór Jerál Jestaun Património Estadu (DJJPAE) hodi partilla koñesimentu espesifiku kona-ba oinsá ajénte públiku sira iha Ministériu Obras Públika nian atu jere no utiliza ho loloos kona-ba karreta no motor Estadu nian ba interese públiku, nune’e sira labele monu ba krime korrupsaun hodi fó prezuizu ba Estadu.

Read More

Komisariu Adjuntus ba Asuntu Servisu Apoiu no Kooperasaun (SAK) Alexandre Freitas akompanha husi Estrutura Espesialista Anti-Korrupsaun (EAK) Diresaun Prevensaun no Sensibilizasaun no Kooperasaun Sesta-feira (24/6) semana ne’e simu vizita kortezia ida husi delegasaun Progama Nasoens Unidas ba Dezenvolvimentu (UNDP) no Uniaun Europeia (UE) nian iha Salaun Sorumutu CAC Farol Dili.

Objetivu husi vizita no halao sorumutu kortezia ida ne’e koalia kona-ba kontinuasaun kooperasaun entre ajensia internasional operasiona iha Timor-Leste UNDP no EU nudar parseiru dezenvolvimentu CAC nian iha area boa-governasaun no anti korrupsaun nian.

Read More