Dili – Komisariu Comissão Anti-Corrupção (CAC) Dr. Sergio Hornai akompanha hosi Espesialista Anti Korrupsaun (EAK) Dr. Alexandre Freitas, Chefe Unidade Investigasaun Dr. Jose Verdial no Chefe Unidade Kooperasaun Dr. João Correia do Rosario ba halao sorumutu ho Sua Excelensia Ministro Ministério da Reforma Legislativa e Assuntos Parlamentares (MRLAP) Fidelis Leite Magalhaes ho ninian gabinete iha Palacio Governu Dili Segunda-feira (15/4) loraik.
Objetivu husi sorumutu nee fo biban Komisaun atu aprezenta ba Sua Excelensia Ministro MRLAP Magalhaes ho nian ekipa asesoria ba asuntu reforma lejislativa no ba asuntu parlamentar nian sobre Planu Estratejiku Nasional Prevene no Kombate Korrupsaun ho Auto-Avaliasaun Implementasaun Konvensaun Nasoens Unidas Kontra Korrupsaun (UNCAC).
Ministro Magalhaes ekspresa ninian prontidaun nudar membru ezekutivu iha VIII Governu Konstitusional lideradu husi Primeiru Ministru Taur Matan Ruak apoiu tomak atu servisu diak hamutuk ho Komisaun hodi hametin ba mehoramentu implementasaun programas importante rua ne’e iha future.
