Ermera — Komisaun Anti-Korrupsaun (CAC), ho Sub Komisaun Justisa e Paz Viqararia Ermera, iha Sexta (28/9) semana kotuk halao sorumutu loron ida ba esforsu luta kontra korrupsaun hamutuk komunidade iha suku Estadu Distrito Ermera. Objektivu husi sorumutu ne’e atu sosializa papel CAC no papel KJP nian ba komunidade Ermera ho tema “Promove Justisa Liu Husi Kombate Korrupsaun”.
Komisáriu Adjuntu Komisaun Anti-Korrupsaun (CAC) ba asuntu Edukasaun no Peskiza (EP), José Antonio das Neves loke sorumutu ne’e hateten, hahalok korrupsaun nuúdar moras a’at ida ne’ebe bele fo impaktu negative ba dezenvolvimentu nasaun no povu nia moris.
“CAC servisu hamutuk ho Kkomisaun Justisa no Paz Deocese Dili mai koalia ho imi iha Suku Estadu atu sosializa papel CAC nian hodi evita an husi pratika korrupsaun,” katak Komisariu Adjuntu Neves.
Adjuntu Neves salienta mos katak, korrupsaun laos mosu deit iha nivel nasional maibe mosu mos iha Distirto, Sub Distrito, Suku, no Aldeia. Nune’e komunidade iha Suku Estadu
tenki barani kontra hahalok korrupsaun no hato’o keisa ba CAC wainhira deskonfia lideransa lokal sira halo korrupsaun.
Entretantu Director Komisaun Justisa e Paz Diocese Dili, Padre Herminio Gonçalves, Pr hateten jerente Estadu sira ne’ebe halo korrupsaun Timor oan hotu tenki konsidera hanesan hahalok aat no krimi ne’ebe ema hotu tenki kombate,” katak Amu Gonçalves.
