CAC sei utiliza ekipamentu ne’e hodi desenvolve survei integridade
iha seitor publiku.
Díli, Setembru 12, 2013. FOTI-Timor-Leste ne’ebé hetan
fundu husi MCC-USAID Anti-Corruption Program, formaliza donasaun Tablet
electronic 30 ba Komisaun Anti-Korupsaun (CAC) hodi suporta servisu survei no
peskiza.
Iha fulan-Jullu 2013, Diresaun Peskiza no Edukasaun hahu
desenvolve survei ida ho objetivu atu sukat level integridade iha setór públiku.
CAC mak lidera procesu ne’e ho asisténsia tékniku no finansiál
husi USAID no MCC. Servisu ne’e involve kna’ar ne’ebé kompleksu no tékniku
tebes, hanesan deseňu survei no servisu terenu. CAC sei intervista funsionáriu
públiku hamutuk 1.462 iha teritóriu tomak durante faze koleksaun data survei,
no nia rezultadu sei publika iha Fulan-Dezembro 2013.
“Usa téknolojia, hanesan reprezenta iha ekipa ne’e” katak Comisariu
Adérito Soares, “sei fasilita, hasa’e no halais ami nia servisu survei”. “No mós,
informasaun ne’ebé ami kolekta”- nia
aumenta- “sei relevante hosi guia/matadalan ami nia servisu iha prevensaun
korupsaun no atividade dezeminsaun informasaun”.
Sr. Malik Chaka, Director of Threshold Programs iha Milleniun
Challenge Corporation komenta katak,
“MCC no USAID servisu besik ho CAC iha implementasaun treinamentu no atividade
asisténsia tékniku hodi suporta Diresaun Investigasaun no Diresaun Prevensaun,
Edukasaun no Peskiza”.
