Komisáriu Adjuntu Komisaun Anti-Korrupsaun José António de Jesus das Neves ohin dader fo aula durante oras rua nia laran kona-ba transparensia no accountability nudar mekanismu kontrolu iha Timor-Leste iha Universidade Nasional Timor-Leste (UNTL). Hamutuk estudantes UNTL nain 60 resin mak partisipa iha semináriu loron baluk ne’e—estudante sira barak liu mai husi Departementu Siensia Polítika no Administrasaun Públiku.
Palestra ne’e hanesan parte programa serial ida husi Misaun Integradu Nasoens Unidas iha Timor-Leste (UNMIT) hamutuk ho Universidade National Timor-Leste ho nia objetivu atu hasa’e tan estudante sira nia koñesimentu krítiku no analítiku no loke no habelar tan sira nia matenek no pontu-de-vista konaba aspeitu sirak nebe relasiona ho governasaun diak, partikularmente iha kontekstu Timor-Leste.
Iha nia aula, Komisáriu Adjuntu Neves koalia konaba pontus xave balu konaba importansia husi transparensia iha luta hasoru korrupsaun nebe promove acoountability no governasaun diak. Accountability tenki sai nudar mekanismu kontrolu ida hodi prevene ema husi abuza poder, uza sasan/osan estadu nian ba interese privadu. Accountability mos bele tulun vigora implementasaun norma regulatóriu no sansaun ba hahalok sira nebe la tuir dalan.
Komisáriu Adjuntu ramata nia palestra ho perguntas and respostas lubuk ida husi estudantes. Perguntas barak liu foka konaba papel CAC nian iha kombate korrupsaun iha Timor-Leste no saida deit mak CAC halo ona durante ne’e.
