Archives May 18, 2022

Comissão Anti-Corrupção (CAC) liu husi Diresaun Prevensaun no Sensibilizasaun (DPS) lideradu Komisariu Adjuntu Luis de Oliveira Sampaio hamutuk ho Xefe Unidade Avaliasaun, Estudu no Rísku (UAER) no Xefe Unidade Promosaun, Valór no Integridade (UPVI) Tersa-Feira (17/05) ohin hala’o sorumutu akonsellamentu ho responsavél Sekretariadu Tékniku Programa Sesta Bázika, MTCI Hernani Soares ho nia ekipa iha edifisiu CAC Vila-Verde, Dili.

Objetivu husi sorumutu ne’e, Ekipa Sekretariadu Tékniku MTCI ninian ho inisiativa koordena besik mai CAC hodi rona CAC nia pontus rekomendasaun sira, buka asertasaun no partilla informasaun hamutuk hodi asegura prosesu implementasaun programa SB faze daruak tuir lei no prevene krime korrupsaun iha faze implementasaun iha tereñu.

Diskusaun ohin, ekipa CAC partilla esperiénsia monitorizasaun programa sesta bázika faze primeiru nian ne’ebé identifika indikasaun forte ba irregularidade oioin ne’ebé potensia ba rísku korrupsaun.

Read More

Iha loron Segunda-feira (16/5) ne’e, Senior Managementidera husi Komisariu Comissão Anti-Corrupção (CAC) Sergio Hornai hamutuk ho Komisaru Adjunto nain tolu ho estrutura Espesialista Anti Korrupsaun (EAK) halao audiensia kortezia ida ba Prezidenti Republika eleitu Dr. Jose Ramos Horta iha ninian servisu fatin Farol Diili.

Objetivu husi audiensia kortezia ne’e Senior Management Comissão Anti-Corrupção hamutuk ho estrutura EAK hakarak hato’o Komisaun ninian felisitasaun ba PR eleitu no kontinua hametin lasu kooperasaun ida forte no firme iha luta kontra korrupsaun.

Audiensia kortezia ida ne’e mós atu hatudu komitmentu boot no seriu CAC nian hodi servisu hamutuk ho orgaun soberanu, instituisaun publiku, privadu, entidades Timorense tomak no povu doben Timor-Leste nian luta sagradu iha prevene no kombate korrupsaun. (*)