Dili – Funsionariu Públiku liu nain 30 husi Sekretariu Estadu Juventude e Desportu (SEJD) – husi Gabinete Inspetoria no Auditoria Interna Kuarta-feira ohin (14/5) estuda
tekniku foun oin sa kombate korrupsaun iha sira nian servisu fatin.
Funsionariu públiku sira iha workshop internal ho topiku “Divulgasaun Lei Funsionalismu Públiku (direitu, dever & proibisoens)”. Comissão Anti-Corrupção (CAC) atende, iha nebé Komisáriu Interinu Manuel Bucar lori material kona-ba “Lei AC nian (Kombate Korrupsaun)”, Workshop halao iha Sional Dili ne’e organiza husi Gabinete de Inspeitoria e Auditoria Interna SEJD nian.
Primeiru Sessaun dadersan nian Komisariu Bucar esplika ba partisipantes hanesan mos funsionariu, direitur ho nian estrutura tomak kona-ba lei CAC, saida mak korrupsaun, tipu korrupsaun, no estudu kazu korrupsaun. Sesaun lokraik Offisial Prevensaun Lizia Soares lori material ho topiku “Oinsa Prevene No Kombate Korrupsaun Iha Servisu Fatin”.
Diresaun Prevensaun CAC nian halao workshops hanesan parte husu Planu Prevensaun 2014-15 nian, iha ne’ebé identifika prioridade hat ne’ebé identifika iha risku korrupsaun. Desentralizasaun Poder Governu, Aprovizionamentu, Alfandega, no Vontade Politiku.
Funsionariu nudar jestor Estadu katak Komisáriu Bucar tenki tane a’as onestidade no servisu ho integridade hodi evita a’an rasik husi kualker tentasaun ba aktu korrupsaun wainhira halao knar nudar servidor Estadu.
Aprezentasaun CAC nian loron ohin hanesan meius importante atu tulun aumenta partisipantes sira nian horizonte. Funsionariu públiku sira iha antusiasmu boot durante workshop, envolve an hodi fo sira nian sujestaun kona-ba sa mak sira bele halo atu hapara korrupsaun iha sira nian servisu fatin.
Sesaun husu no hatan mos halao, iha nebé partisipante sira bele fó sira nian sujestaun no rekomendasaun kona-ba sa ma sira bele halo iha future atu tulun prevene korrupsaun.
CAC sei kontinua reafirma ba a’an rasik, CAC labele hamo’os korrupsaun iha Timor-Leste mesak – funsionariu públiku no sidadaun hotu tenki utiliza forsa koletivu ba kombate krrupsaun, CAC sei suporta esforsu sidadaun hotu hodi fortifika konhesimentu no oferese meius hodi hateten lae ba korrupsaun iha funsionariu públiku no povu nia moris lor-loron nian – iha uma ka iha servisu fatin. (*)