Dili – Ohin Kinta-feira (26/9), Comissão Anti-Corrupção (CAC) organiza sorumutu ba dala-hitu Grupu Jestor Profesional Rekursu Umanu (GJPRU) iha Funsaun Publika nian exercisiu ho topiku “Promove Papel Rekursu Umanu Hodi Kombate Korrupsaun” iha Salaun Delta Nova Comoro, Dili.
Komisariu Adjuntu CAC ba asuntu Prevensaun, Manuel Bucar Corte-Real loke ofisialmente sorumutu ne’e ho objetivu atu hametin kolaborasaun servisu entre membru GJPRU iha linhas ministerial nian hodi halibur hanoin ba identifikasaun prioridades formasaun ba membru GJPRU nian hanesan liman ain ba CFP.
Sorumutu loron ohin nian hahu lian nakloke husi koordenador GJPRU, Maria de Jesus Sarmento, Komisariu Adjuntu CAC, Manuel Bucar no Komisaria Comissáo Funsaun
Publica (CFP), Jesuina Gomes kontinua ho aprezentasaun husi official Rekursu Umanu CAC nian lidera husi Sekretariu Executivu CAC, Alexander Freitas.
Komisariu Adjuntu ba asuntu prevensaun Manuel Bucar Corte-Real agradese existensia grupu ida ne’e iha tinan 2011 atu servi povu nia bem star no hadian Estadu TL iha
area rekursu humanu nian. Nune’e mos, Komisaria CFP Jesuina Gomes hateten membru GJPRU iha obrigasaun atu halo avaliasaun ba saida mak halo tiha ona inklui
define nesesidade atu ba tuir formasaun.
Iha biban ne’e Sekretariu Eksekutivu CAC Alexander Freitas hateten CAC iha limitasaun rekursu umanu no presija kapasitasaun barak liu tan hodi servi povu
no nasaun diak liu tan. Komisaria CFP, Jesuina Gomes husu atu GJPRU estabele steering committee atu identifika area prioridade formasaun nian tamba AUSAID
komprimitidu atu oferese formasaun.