Dili – Komissáriu Adjuntu Comissão Anti Corrupção (CAC) Manuel Bucar akompanha husi Director Nacional Kooperasaun João do Rosário Correia simu Regional Anti-Corruption Advisor ba Nações Unidas Kontra Droga no Crime (UNODC) nian base iha Bangkok Tailandia Senhora Zorana Markovic iha loron Tersa-feira (27/3) ne’e iha eskritoriu CAC Farol Dili.
Sorumutu ida ne’e koalia kona-ba kontinuasaun servisu hamutuk entre instituisaun rua CAC-UNODC nian iha luta kontra korrupsaun iha Timor-Leste. UNODC tulun ona CAC Timor-Leste husi 2014 hodi fornese treinamentu investigador sira
Presenca Senhora Markovic nian iha Timor-Leste nudar nudar parte implementasaun MoU entre UNODC-CAC ne’ebé formaliza iha tinan 2014 liu ba, prezensa UNODC iha TL atu suporta ajensia supremasaun lei nian hanesan CAC hodi oferese treinamentu asistensia tekniku no programa hasae kapasidade proposionadu ba instituisaun ida ne’e.
Sorumutu durante oras rua nian laran ne’e nudar kontinuasaun suporta husi UNODC, iha tinan tolu nian laran ba kotuk UNODC fornese ona treinamentu iha area Investigasaun, Interogasaun, Money Laundry, Computer Forensic no Digital Evidence, Economic and Financial Crime no seluk-seluk tan. (*)