Kampus UNPAZ – Komisariu Adjunto Comissão Anti Corrupção (CAC) ba Asuntu Prevensaun no Sensibilizasaun Dr. Luis de Oliveira Sampaio Tersa-feira (23/2) loraik ne'e sai orador principal ida iha okaziaun orientasaun ba total 2.020 kandidatu universitarius ano lektivu 2021 nian iha Universidade da Paz (UNPAZ) Osindo I Dili.
Tema orientasaun ba universitarius foun UNPAZ nian tinan ne'e mak "Politika Reforma no Kualidade Asegura Rekursu Humano ba Dezenvolvimentu" ihan ne'ebé, Komisariu Adjunto Dr. Luis Sampaio husu ba kandidatu universitarius sira atu sente sai "nain ba Estadu Timor-Leste husi kampus hodi kontribui ba luta prevene no kombate korrupsaun".
Komisariu Adjunto Sampaio husu ba universitarius nudar futuro lideransa nasional durante halao estudu iha kampus, iha mos obrigasaun ida atu apoiu totalifedi CAC nian iha luta prevene no kombate korrupsaun iha rai doben Timor-Leste.
Komisaun nian papel katak Komisariu Adjunto Sampaio atu halo kontrola ba servisu funsionamentu instituisaun publiku nian no decision maker sira atu jere orsamentu Estadu nian tuir ninian fatin ho transparante no akuntavel. Universitariu nudar jerasaun foun futuro lideransa Timor nian iha obrigasaun atu apoiu Komisaun iha luta kolektiva ida ne'e ba povu no nasaun nian diak.
"Ho universitarius sira nian apoiu iha future bele ajuda CAC bele servisu diak liu tan. Tamba, Lei Nú.7/2020 kona-ba Prevenção e ao Combate Corrupção (MPCC) ida ne'e eji duni ema (Timoroan sira) nian apoiu iha Rede Universitariu", Komisariu Adjunto Sampaio salienta.
Komisaun katak Adjunto Sampaio envolve aktivamente universitariu sira iha aktividade "Rede Universitariu Kontra Korrupsaun" ho objetivu atu forma universitariu wainhira sai lider iha future, sai lider honestu ho integridade diak hodi jere nasaun ba moris diak povu Timor-Leste.
Moderador ba aprezentasaun Komisariu Adjunto Luis Sampaio nian mak Dr. Afonso de Jesus Soares. (*)
