All posts by Media CAC

Komisariu Comissão Anti-Corrupção (CAC) Sergio Hornai akompaña husi Xefe Unidade Kooperasaun João Correia iha Kuarta-Feira (10/8) ohin simu vizita kortezia delegasaun Estadu Unidos America (USA) iha Timor-Leste Fausto Gusman no nia komitiva iha edifisiu CAC, Farol Dili.

Objetivu husi vizita ne’e hodi hato’o informasaun inisiál kompromisiu Estadu Unidus Amerika nian kona-ba konvida CAC sai orador iha eventu konferénsia internasionál hodi partilla esperiensia luta hasoru korrupsaun iha TL, iha ne’ebé sei hala’o iha sidade Washington America iha tinan 2023.

Read More

Komisariu Comissão Anti-Corrupção (CAC) Sergio Hornai akompaña husi Komisariu Adjuntu Prevensaun no Sensibilizasaun (DPS) Luis de Oliveira Sampaio no Xefe Unidade Inspeksaun no Monitorizasaun Antonino Alves iha Segunda-feira (1/8) ohin hala’o audiensia kortezia ida ho Ministru Justisa (MJ) Tiago Sarmento iha edifisiu Ministériu Justisa Colmera Dili.

Objetivu audiensia kortezia ne’e, Komisariu Sergio ho ekipa ho inisiativa hasoru malu ho MJ Tiago Sarmento hodi fó koñesimentu servisu Komisaun nian kona-ba implementasaun Lei Nú.7/2020-MPCC, liu-liu politika Estratéjia Nasionál Anti-Korrupsaun (ENAK) no implementasaun Rejime Deklarasaun Rendimentu, Bens no Interese (DRBI) ba servidor povu sira.

Read More

Comissão Anti-Corrupção (CAC) liu husi Diresaun Prevensaun no Sensibilizasaun (DPS) lideradu Komisariu Adjuntu Luis de Oliveira Sampaio hamutuk ho Estrutura Espesialista Anti-Korrupsaun (EAK) iha Kinta-Feira (21/7) ohin bolu ekipa responsavel programa Sesta-Bázika (SB) husi MTCI nian mai iha CAC hodi rona aprezentasaun rezultadu deskobrimentu prelimináriu inspeksaun no monitorizasaun ba implementasaun programa SB faze daruak nian husi parte MTCI nia kobertura, iha edifisiu provizoriu CAC Vila-Verde, Dili.

Iha sorumutu ida ne’e, CAC Aprezenta rezultadu inspeksaun no monitorizasaun ba distribuisaun produtu sesta-bázika nian iha munisipiu haat (Dili, Ermera, Liquica no Bobonaro) ne’ebé rezulta iha inkomprimentu balun ba dekretu lei nú 10/2022- medida reforsu distribuisaun sesta bázika, no aprezenta mós rezultadu inspeksaun tereñu ne’ebé CAC halo análiza no estimasaun iha poténsia lori prezuizu ba Estadu.

Read More

Komisariu Comissao Anti Corrupcao (CAC) Sergio Hornai akompanha husi Komisariu Ajunto ba Asuntu Investigasaun Kriminal Augosto Castro Tersa-feira (18/7) ohin halao sorumutu kortezia ida ho Diretora-Ezekutiva Unidade Informasaun Finanseira (UIF) Timor-Leste Maria de Jesus Sarmento iha Sala Gabineti Komisariu Farol Dili.

Objetivu prinsipal husi sorumutu kortezia ida ne’e atu hametin lasu amizade no linha koordenasaun servisu entre instituisaun Estadu rua (2) iha luta kolektiva Timoroan sira nian iha prevene no kombate kriminalidade korrupsaun nian.

Read More