CAC Hahú Fó Formasaun Téknika Arolamentu Online ba Funsionariu RH no IT kada Ministériu

CAC Hahú Fó Formasaun Téknika Arolamentu Online ba Funsionariu RH no IT kada Ministériu

Comissão Anti-Corrupção (CAC) liu husi Diresaun Prevensaun no Sensibilizasaun (DPS) Segunda-feira (04/03/2023) ohin hahú realiza formasaun téknika kona-ba prensimentu formuláriu arolamentu online ba funsionáriu Rekursu Humanu (RH) no tékniku sira Informasaun Teknolojia (IT) kada liña ministériu iha edifisiu CAC Vila-Verde Dili.

Objetivu husi formasaun ida ne’e hodi fó koñesimentu teknika ba responsavel sira rekursu umanu no tékniku sira IT nian kada ministeriu atu sira bele iha koñesimentu ne’ebé komprehensivu hodi tulun priense formulariu arollamentu online deklarante sira (ajénte públiku) nian kona-ba Deklarasaun Rendimentu, Bens no Interese (DRBI) ba autoridade kompetente.

CAC dezeña no dezenvolve ona sistema arolamentu DRBI ho plataforma online nian ne’ebé lansa ona iha loron 22 fevereiru tinan 2023.

Sistema arolamentu online refere atu fasilita no hakmaan servisu funsionáriu rekursu umanu kada ministériu hodi priense deklarante sira ne’ebé sujeita ba rejime deklarasaun rikusoin nian, tuir lei haruka.

Formasaun ida ne’e sei realiza durante loron tolu, hahú husi loron 4 ohin to’o loron 6 fulan ne’e ba instituisaun estadu sira ne’ebé sujeita ba DRBI hamutuk 99.

Abertura ba formasaun ohin prezide husi Komisariu Sergio Hornai, akompaña husi Komisariu Adjuntu Prevensaun no Sensibilizasaun, Luis Sampaio no estrutura Espesialista Anti-Korrupsaun sira iha Diresaun Prevensaun no Sensibilizasaun (DPS) ninian.