Lei MPCC Kompleksu no Rigor Maibé Sei Salva no Dignifika Integridade Servidor Publiku Sira

Liquiça – Komisariu Adjunto ba Prevensaun no Sensibilizasaun CAC, Luis de Oliveira Sampaio dehan katak Lei Medidas Prevensaun no Kombate Korrupsaun (MPCC) ne’e kontein rekizitus sira ne’ebé rigor maibé sei salva no dignifika integridade servidor publiku sira bainhira servidor publiku sira komporta-an ho profesionál no disiplina tuir lei.

Komisariu Adjunto hatoo ida-ne’e iha sesaun abertura ba atividade diseminasaun Lei Nu. 7/2020 MPCC ho Tema Sentral “HASAE KONESIMENTU AJENTE PUBLIKU KONABA LEI MEDIDAS REVENSAUN NO KOMBATE KORRUPSAUN” durante loron ida, iha Salaun Administrasaun Munisípiu Liquica, iha loron Kuarta-feira (16/12).

Konsidera no konsiente komplesidade husi rekizitus sira iha lei ne’e no ninia efeitus sansionatoriu sira, CAC halo esforsu hotu ne’ebé posivel atu sosializa lei ne’e ba funsionariu alvu tantu iha ministeriu sira nomos iha munisipiu sira, inklui iha Liquica.

Ida-ne’e atu asegura katak bainhira lei ne’e tama iha vigor iha Fevereiru/Marsu 2021, funsionariu kargu xefia ka funsionariu alvu sira iha ona koñesementu adekuadu kona-ba lei ne’e. Atividade divulgasaun ne’e marka prezensa husi Administrador Munisipiu Liquica, Domingos Maucaro da Cocencão, Sekretariu Munisipiu Liquica, Komadante Eskuadra Munispiu Liquica, administrador postu sira, diretor servisu munisipal, funsionariu publiku sira, xefe suku no reprezetante joventude sira.

Abertura ba serimonia atividade divulgasaun ne’e halao husi Administrador Munisipiu Liquica. Iha ninia intervensaun, Administrador Munisipiu Liquica, espresa ninia gratidaun ba CAC atu partilha informasaun relevante kona-ba Lei MPCC ho ninia implikasaun ka sasaun sira ba kargu xefia sira iha Munisipiu Liquica.

Ida-ne’e pertinente teb-tebes tanba kargu xefia sira hotu, tenke servisu ho rigor, ho responsabilidade no integridade.Nia hatutan katak, lei hotu-hotu bainhira tama ona iha vigor iha karater rua deit: vinkulativu no obrigatoriu.

Tamba ne’e nia husu ba partisipante sira ne’ebe nu’udar kargu xefia no funsionariu potensial sira atu partisipa ativu iha sesaun ne’e kompletu atu bele hetan informasaun ida-ne’ebe loloos no adekada, atu la enfrenta konsekuensia iha futuru bainhira lei ne’e tama ona iha vigor.

Partisipantes sira maioria konkorda katak lei ne’e importante tanba bele salva rekursu estadu nian atu servi interese publiku no trava hahalok aat korrupsau husi ema hirak ne’ebé asume knaar publiku.

Maibé partisipante sira mós preukupa katak lei ne’e bele mós iha efeitu impedimentu seluk ne’ebé bele halo ema seluk reseiu atu asume kargu publiku sira tanba komplesidade husi rekizitus husi Lei MPCC ne’e. (*)

Permanent link to this article: https://cac.tl/2020/12/lei-mpcc-kompleksu-no-rigor-maibe-sei-salva-no-dignifika-integridade-servidor-publiku-sira/

CAC Sosializa Lei MPCC iha Munisipiu Aileu

Aisirimou – Komisariu Comissão Anti-Corrupção (CAC) Dr Sergio Hornai akompanha husi Diretor Geral Prevensaun no Sensibilizasaun Dr. Rosario Araujo, Diretora Promosaun Valores e Integridade Dra. Leonilda Lobato ho Espesialista Anti Korrupsaun (EAK) Kuarta-feira (16/12) ne’e ba halao sosializasaun Lei Nu. 7/2020 26 de Agosto – Medidas Prevensaun no Kombate Korrupsaun (MPCC) ba funsionariu publiku kargu chefias linha ministeriais sira, emprezarius no lider komunitariu sira iha Munisipiu Aileu.

Sensibilizasaun Lei MPCC ne’e Komisaun foti ho tema sentral “HASAE KONESIMENTU AJENTE PUBLIKU KONABA LEI MEDIDAS REVENSAUN NO KOMBATE KORRUPSAUN” ne’ebé fokus liu ba iha funsionariu publiku kargu chefia sira.

Diseminasaun Lei MPCC durante loron tomak iha Munisipiu Aileu realiza iha Salaun Munisipal Aileu no ofisialmente loke husi Prezidenti Autoridade Munisipiu Aileu Dr. João do Rego Tilman, Komisariu CAC Dr. Sergio Hornai no Komandante Operasaun Polisia Nasional Timor-Leste (PNTL) Munisipiu Aileu Inspector Chefe Helio de Deus

Partisipantes programa diseminasaun Lei MPCC hamutuk liu 100 ne’e mak; Prezidenti Autoridade Munisipiu Aileu, Komandante PNTL Munisipiu Aileu Eng. Jorge Monteiro, Administrador Postu nain hat (4), Directores no Chefe Departamentus, Chefe Seksaun munisipius linhas ministeriais, Komandante Unidade PNTL sira, lider komunitariu ka Chefe Sukus nain 33, reprezentante grupu juventude no emprezariu Munisipiu Aileu nian.

Komisariu Sergio esplika ba partisipantes ne’ebé maioria autoridade Munisipiu Aileu nian focus iha Kapitulu II Regime de Declaracao de Rendimentos, Bens e Intereses lei MPCC hahu husi artigu 27 too ba iha artigu 58.

Komisariu focus esklarese artigus hirak ne’e tamba artigus hirak ne’e mak sei obriga servidor povu sira oinsa hatoo deklarasaun sira ninian rikusoi mai iha CAC wainhira lei ne’e implementa iha fulan Feverieru tinan 2021.

Kolokiu loron tomak ne’e partisipantes aktivamente focus rona no akompanha esplikasaun detailhadu Komisariu Sergio nian ne’ebé fahe ba sesaun tolu (3); IDA, esplikasaun Komisariu Sergio nian kona-ba Lei MPCC, RUA maneira prense formulariu deklarasaun riku soi aprezenta husi Diretora PVI Dra. Leonilda Lobato no TOLU perguntas no hatan.

BACKGROUND LEI MPCC

Fatin Aisirimou Aileu nudar fatin historiku ba povu Timorense iha ne’ebé tinan 1975 liu ba Timoroan sira nian Asswain Libertador FALINTIL hahu jura ba rai ida ne’e iha luta frente armada nian kontra military invasor.  

Haoin tinan 44 iha loron Kuarta-feira 8 Fulan Julho 2020 liu ba, Deputadu Komisaun A Parlamentu Nasional ba Asuntu Konstitusional no Justisa nain hitu (7) lidera husi Deputadu Joaquim dos Santos “Boraluli” vota ho votus unanimidade ba Lei Anti Korrupsaun (LAK).

Ho terminasaun diskusaun LAK momentu ne’eba, povu Timor-Leste loke historia foun iha luta foun hodi kontinua luta ita ninian Asswain Libertador sira nian ne’ebe iha tinan 1975 lidera husi Heroe Boot Fundador Nasaun doben Timor-Leste Nai Prezidenti Republika no Primeiru Ministro Nocolau Lobato hahu husi fatin Aisirimou ho harii Forcas Armadas Libertacão Nacional de Timor-Leste (FALINTIL).

Molok ensera diskusaun naruk momentu neba, Deputadu sira halo votasaun ba proposta Nu. 41 ho ninian proponentes Deputadu Francisco Miranda Branco, Dario Madeira (FRETILIN) no Francisco de Vasconselo (PLP) troka naran Projeto Lei Nu. 1/V/1 husi Lei Anti Korrupsaun ba “Medidas de Prevencao e Combate a Corrupcao – MPCC” iha loron  9 Fulan Julho 2020. (*)        

Permanent link to this article: https://cac.tl/2020/12/cac-hahu-disemina-lei-mpcc-iha-munisipiu-aileu/

Atuasaun Polisial – La Nesesariamente Submete ba Norma Etika Komunikasaun Institusional!

(Husi Komisariu Adjuntu ba Asuntu Prevensaun no Sensibilizasaun Dr. Luis de Oliveira Sampaio)

Hanesan instituisaun estadu parese ida-ne’e la’os meiu ida mais ideal no apropriadu atu klarifika konfuzaun sira ne’e. Maibé ita bele aproveita vantajem husi meius komunikasuan sosial sira hodi klarifika informasaun sira ne’e. Aleinde iha tempu hanesan bele ajuda ita nia sosiedade simu, konsume no kompriende asuntu sira ne’e forma ida kredivel ho balansu, objetividade no sein prekonseitu negativu sira seluk.Primeriu, atu dehan katak atuasaun ne’e atuasaun polisial: artigu 52-56 Kodigu Prosesu Penal (KPP).Iha norma atuasaun polisial ne’e, polisia la iha dever ruma atu komunika ka husi lisensa/autorizasaun uluk antes atua. Iha kapitu V Kodigu Prosesu Penal (KPP) kona-ba poder jeral polisia nian – partikularmente iha artigu 52 (1) defini katak Polísia nia ajente sira, maske tuir sira nia inisiativa rasik, iha obrigasaun atu impede ema atu halo krime, hola notísia kona-bá krime, deskobre krime nia ajente no hola medida kautelár nesesária no urjente atu asegura meiu-de- prova.2 – Polísia mós iha obrigasaun atu, tuir pedidu, ajuda autoridade judisiária sira realiza prosesu nia finalidade, nomeadamente Ministériu Públiku iha inkéritu.Iha ambitu ida-ne’e polisia so deit iha obrigasaun atu komunika ho autoridade kompetente ne’e mak Ministeriu Publiku nu’udar titular ba asaun penal hotu-hotu.Liutan iha artigu 53 (1) fó kbit ba entidade/instituisaun polisial sira atu halo identifikasaun ruma bainhira nesesariu ba interese prosesual ruma. Artigu referidu dehan katak: Polísia nia ajente sira bele husu identifikasaun ba ema ne’ebé sira suspeita katak prepara-án daudaun atu halo, halo tiha ona krime ruma ka hola parte ho ema seluk iha krime ruma. Prosesu identifikasaun ne’e han-tempu durante oras-12 nia-laran.Iha kontestu no ámbitu ida-ne’e polisia la iha dever ruma atu keixi-an ba norma etika komunikasaun institusional ka halo uluk kordenasaun antes atua tanba bele prejudika interese lejitimu husi prosesu atu asegura informasaun nesesariu no relenvate sira ba prosesu nian.Segunda, parese bele mosu pergunta; se hanesan ne’e CAC mós nu’udar polisia?Sim, Komisaun Anti-Korrupsaun nu’udar polisia espesializada iha area kriminaldade korrupsaun.Artigu 3 (2) Lei Nú. 8/2009 kona-ba Kriasaun Komisaun Anti Korrupsaun (KAK/CAC) abtribui KAK ho estatutu nu’udar orgaun polisia kriminal espesializada iha area korrupsaun. Nu’udar orgaun polisial espesializada iha area korrupsaun, KAK so iha deit dever sujeita ba orentasaun no ordem husi Ministeriu Publiku.Terseiru – sasan dodok no fohuk ne’e, servisu ALFAISA nianIha aspeitu balun loos, maibé CAC mós iha kompetensia kona-ba servisu monitorizasaun no inspesaun tuir artigu 9 Dekretu Lei Nú.23/2015 kona-ba Estrutura Organika CAC. Durante halo monitorizasaun no inspesaun ekipa sira CAC nian la hetan pesoal ruma halo knaar iha terrenu. Enkuantu iha prosesu distribuisaun ekipa CAC nian hare ho matan rasik katak komunidade sira balun simu dadaun batar fohok no sasan balun ne’ebé la priense kriteria. Seraque ida-ne’e CAC husik liu deit? Relasiona ho batar fohuk ne’e, CAC aviza tiha ona antes ba Kompania Dili Mart bainhira halo distribuisaun (lansamentu) iha Metinaro, maibé sira ignora aprosimasaun suave husi CAC. Dala ida tan, pergunta ba ita katak situsaun sira ne’e, ita husik hela hodi diskuti kona-ba se mak iha kompetensia ka ita presiza atua hodi trava pratika aat sira ne’e?Ha’u hanoin ida-ne’e mak ha’u hakarak klarifika atu ita bele iha persesaun no informasaun ida loloos no adekuada kona-ba servisu CAC nian iha ambitu servisu atuasaun polisial nian.Mesmu nune’e CAC disponivel atu halo kordenasaun no komunikasaun institusional iha ambitu servisu relevante sira seluk.Timor tenke ba oin maibe tenke ho integridade!

Permanent link to this article: https://cac.tl/2020/12/atuasaun-polisial-la-nesesariamente-submete-ba-norma-etika-komunikasaun-institusional/

Komisariu Sergio Agradese Autoridade Munisipiu Ermera Partisipa Ativa iha Diseminasaun Lei MPCC

Gleno – Komisariu Comissão Anti-Corrupção (CAC) Dr. Sergio Hornai agradese ba partispantes programa diseminasaun Lei Nu. 7/2020 MPCC ho Tema Sentral “HASAE KONESIMENTU AJENTE PUBLIKU KONABA LEI MEDIDAS REVENSAUN NO KOMBATE KORRUPSAUN” durante loron iha Salaun Munisipiu Ermera, Gleno iha loron Segunda-feira (14/12).

“Hakarak agradese ba ita boot sira ninian vontade, disponibilidade hodi komparese iha fatin ida ne’e. Ita oituan ka barak maibe la kurang buat ida mai ita atu fo mesajen ba malu hodi bele hametin nafatin ita ninian vizaun ida oinsa haforsa no hametin ita ninian instituisaun Estadu,” Katak Komisariu Sergio iha ninian lian ikus molok ensera Seminariu loron tomak.

Komisariu Sergio sente honradu hodi ba too iha Munisipiu Ermera hodi kompatilha informasaun kona-ba Lei MPCC ba responsavel maksimu iha Munisipiu nian hanesan Prezidenti Autoridade, Administrador Postu, Chefe Suco, Diretor Munisipiu no Chefe Departamentu sira durante loron tomak.

Komisariu Sergio espera ho diseminasaun Lei MPCC durante loron tomak ne’e nudar “bukae” ba servidor povu sira iha Munisipiu Ermera atu kuda iha servisu fatin hodi evita konflitu interese. “Lori ba hodi tau ba iha ita boot sira nian boas praktikas para atu evita hamosu ita boot monu ba iha kuak no fatin sira ne’ebé la apropriadu liu-liu ba iha pratika korrupsaun ninian,” Komisariu Sergio sublinha.

Komisariu Sergio mos husu ba autoridade Munisipiu Ermera sira nian ne’ebé kaer responsabilidade chefia no decioning makers sira atu obedese deit ba iha buat ne’ebé mak loos. Obedese ho sentidu klean no hametin deit ba iha lei, ordem ida ne’ebé la tau kauza ba responsavel instituisaun publiku nian iha Munisipiu Ermera.

Hanesan Komisariu CAC katak Dr. Sergio Hornai, durante Terseira Mandate Komisariu nian tenta halo esforsu hotu hodi jerente Estadu nian tantu iha nasional too ba iha munisipius hase’es an husi ninian egoismu pesoal, arogansia pesoal atu halo servisu ho responsabilidade no hetan duni konfiansa husi komunidade ba povu no nasaun Timor nian integridade diak.

“Hafoin ita boot sira termina tiha kondisaun servisu tamba mandatu, tamba kargu chefia ne’ebé ita iha labele berurusaun ho CAC, PCIC ka ho tribunais,” Komisariu Sergio afirma ba partispantes sira. (*)

Permanent link to this article: https://cac.tl/2020/12/komisariu-sergio-agradese-autoridade-munisipiu-ermera-partispa-ativa-iha-diseminasaun-lei-mpcc/

Home
Account
Cart
Search