Disemina Lei MPCC ba Funsionariu MSSI Nudar Reunifika Hanoin atu Servi Povu ho Dignu

Dili – Iha loron Kuarta-feira (25/11) nee, Komisariu Comissao Anti Corrupcao (CAC) Dr. Sergio Hornai akompanha husi Komisariu Adjunto ba Asuntu Prevensaun no Sensibilizasaun Dr. Luis de Oliveira Sampaio lori estrutura Espesialista Anti-Korrupsaun (EAK) iha Diresaun Prevensaun Korrupsaun nian hahu ba halao diseminasaun Lei Nu. 7/2020 kona-ba Medidas de Prevenção e Combate a Corrupção (MPCC) ba funsionariu publiku sira. Ba Daruak sensibilizasaun realiza iha Ministerio Solidaridade Sosieal no Inkluzaun (MSSI) Caicoli Dili.

Objetivu husi diseminasaun Lei MPCC ne’ebe modera husi Diretor Prevensaun no Sensibilizasaun Dr. Rosario de Araujo Salsinha ne’e atu reunifika Timoroan sira liu-liu funsionariu publiku (FP) ne’ebé haknar an iha MSSI sira nian hanoin atu kontribui ba iha Lei foun MPCC. Ho sorumutu ida ne’e, FP  iha MSSI servi povu no nasaun doben Timor-Leste diak liu tan ho dignu hodi tane honestidade, akuntabilidade, transparante no responsabilidade diak iha servisu fatin.

Lei MPCC ne’ebé na’i prezidenti Republika Dr. Francisco Guterres Lu-Olo promulga iha fulan Agosto liu ba fo biban ba Timoroan sira atu respeita ninian dignidade nudar ema ho abilidade diak iha servisu fatin servi povu no nasaun Timor-Leste hodi evita an monu ba iha tentasaun krimi korrupsaun.

Lei ida ne’e katak Komisariu Sergio Hornai atu oinsa nudar chefe seksaun, chefe department, director no director jeral iha linha ministeriais sira ho koezaun ida bele hametin instituisaun publiku sai diak liu tan iha servisu ho transparente, akuntabilidade, honestidade no responsabilidade.

“Hametin mos kuadrus (funsionariu bainbain) sira ne’ebé iha konhesimentu klean atu kontribui ba iha superior sira ne’ebé haknar an iha munisipius sira,” Komisariu Sergio hatutan teni.

Komisaun liu husi ninian “manu-ain” EAK sira iha obrigasaun atu haleu teritoriu Timor-Leste laran tomak atu disemina Lei MPCC ida ne’e molok implementa iha fulan Fevereiru 2021. Lei MPCC obrigatoriamente sei kesi metin funsionariu publiku kargu chefia sira husi nivel Chefe Departamentu ba too iha nivel Diretor Jeral atu deklara rikusoi mai iha Komisaun.

“Sorumutu ida ne’e ita tulun malu hodi alerta ba malu sa medidas mak ita (Servidor Estadu) atu halo iha tempu badak hafoin Lei MPCC ne’e entrada em vigor loron 27 Fevereiru 2021 oin mai,” Katak Komisariu Sergio  iha ninian lian nakloke.

Komisariu Sergio Hornai alerta ba Servidor Povu Timorense atu prepara an hodi deklara ninian rikusoi tomak tuir lei MPCC obriga espesialmente preve iha Kapitulu II Regime de Declaracao de Rendimentos, Bens e Interesses husi artigu 27 too ba iha artigu 58.

Lei MPCC ne’e katak Komisariu Sergio obriga servidor povu nian husi Nai Prezidenti Republika, Deputadu, membrus governu, komandante F-FDTL sira, komandante PNTL no funsionariu publiku ho kargu chefias sira atu deklara ninian rikusoi ba iha autoridade kompetente.

“Hakarak ka lakohi tenki deklara rikusoi ba iha autoridade kompetente,” Komisariu Sergio afirma ba iha Servidor Estadu sira liu 150 ne’ebé haknar an iha MSSI.

Ema sira ne’ebe obrigatoriamente atu deklara, hatuur iha Sesaun III artigu 28 Kapitulu II Lei MPCC;

Sao obrigadas a declarer interreses e bens as pessoas, doravante designadas simplesemente por “declarantes”, ue exercem as seguintes funcoes;

a.         Prezidenti da Republica;  

b.         Deputado do PN;

c.         Membro Governo;

d.         Cargo eletivo do poder local;

e.         Magistrado Judicial;

f.          Magistrado do Ministerio Publico;

g.         Defensor Publico Geral

h.         PDHJ e seus adjuntos;

i.          Embaxador, consul e responsavel de financas das representacoes diplomaticos;

j.          reitores e decanos de univercidade publicas;

k.         Dirigente Maximo de emprensa publica, service autonomo e entidade reguladora;

l.          CCC do Presidenti da Republica;

m.        Secretario Geral do PN;

n.         O Comissario do CAC e os seus Adjuntos (Tribunal);

o.         Chefe Gabinete do Memmbro Governo;

p.         Administradores Municipais, Presidenti da Autoridades Municipais;

q.         Presidenti e Secretarios da Autoridade da Region Administrativa Especial de Oe-Cusse Ambeno;

r.          Diretor Geral e director da administracao publica direta, indireta e autonoma, incluindo os sericos da presidencia da republica, do parlamento e dos Tribunais;

s.          Diretor Geral e director da administracao publica das autarquias locais;

t.          Dirigente e funcionario afeto a servico de approvisionamento e contratacao publica;

u.         Dirigente e funcionario afeto a servico de liquidacao e cobranca de direito Impostos;

v.         Dirigente e funcionario afeto a servico de liquidacao e cobranca de diretos aduaneiros;

w.        Dirigente e funcionario afeto a servico de gestao de terras, propriedade imobilisria e demais patrimonio do Estado e das autarquias locais;

x.         Dirigente e funcionario afeto a servico de inspecao, supervisao, e auditoria (p ex. inspecao do trabalho, alimentar, ambiental, viaturas)

y.         Oficiais de justice nos tribunais e no Ministerio Publico;

z.         Membros das policia de inestigacao criminal e dos servicos de Migracao;

aa.        Assesores nos gabinetes de membros do governo  

Permanent link to this article: https://cac.tl/2020/11/disemina-lei-mpcc-ba-funsionariu-mssi-nudar-reunifika-hanoin-atu-servi-povu-ho-dignu/

CAC Hahu Disemina Lei MPCC iha SEPFOPE

Dili – Iha loron Segunda-feira (23/11) ne’e, Komisariu Comissao Anti Corrupcao (CAC) Dr. Sergio Hornai akompanha husi Komisariu Adjunto ba Asuntu Prevensaun no Sensibilizasaun Dr. Luis de Oliveira Sampaio lori estrutura Espesialista Anti-Korrupsaun (EAK) iha Diresaun Prevensaun Korrupsaun nian hahu ba halao sosializasaun Lei Nu. 7/2020 kona-ba Medidas de Prevenção e Combate a Corrupção (MPCC) ba servidor Estadu sira. Ba dahuluk sensibilizasaun realiza iha Sekretáriu Estadu ba Polítika Formasaun Profisionál no Empregu (SEPFOPE) iha edifisiu SEPFOPE Caicoli Dili.

Komisariu Sergio iha ninian nakloke lori Komisaun nian naran agradese ba Sekretariu Estadu Alarico do Rosario neebe fo tempu hodi simu Komisaun atu fahe informasaun ba malu iha programa diseminasaun konaba politika prevensaun korrupsaun neebé preve iha lei foun MPCC.

Objetivu husi diseminasaun lei MPCC ne’e atu fahe informasaun ba Servidor Estadu assume kargu chefia sira atu hametin boa-governasaun, iha transparansia, akuntabilidade, responsabilidade, konflitu interese no posibilidade evita servidor povu sira monu ba iha tentasaun krimi korrupsaun.

“Tamba ida ne’e, ita (Komisaun) mai atu hametin ita nian koezaun, konsolidasaun ba iha politika prevensaun ninian atu nune’e imi (hamutuk ho Sekretariu Estadu (Alarico) wainhira (remata mandate kargu chefias) termina ho ekselente ho trankuilu hamutuk ho familia,” Katak Komisariu Sergio.

“Mai ita konsolida no hametin ita ninian esforsu boas-pratikas ho ekselente, ho rsponsabilidade, ho akuntabilidade, ho paixaun atu la hamosu irregularidades no projeta moris diak povu nian,” Komisariu Sergio hatutan teni.     

Programa diseminasaun inofrmasaun ne’e EAK sira mai iha SEPFOPE atu partilha informasaun kona-ba MPCC ba servidor Estadu sira ne’ebé haknar an iha SEPFOPE. Komisariu Sergio esplika ba funsionariu Estadu ne’ebé assume kargu chefias sira oinsa atu deklara sira ninian rikusoi inklui sira ninian familia mai iha CAC wainhira lei ne’e hahu implementa.

Komisaun disemina informasaun hahu ohin iha SEPFOPE no sei kontinua ba iha linhas ministeriais seluk inklui sei ba iha funsionariu publiku sira iha teritoriu Timor laran tomak.  

Lei MPCC iha medidas politika prevensaun kriminalidade korrupsaun no mos medida represivu ninian ba iha investigsaun kriminalidade korrupsau ninian sei hahu implementa hafoin liu loron 180 data promulgasaun nian iha loron 26 Fulan Fevereiru 2021. (*)

Permanent link to this article: https://cac.tl/2020/11/cac-hahu-disemina-lei-mpcc-iha-sopfope/

Tinan 2021, CAC Sei iha Kareta Celula Rasik

Dili – Komisariu Adjunto Comissão Anti-Corrupção (CAC) ba Asuntu Servisu Apoiu no Kooperasaun Dr. Alexandre Freitas informa ba Komisaun A Parlamentu Nasional (PN) katak iha tinan 2021, Komisaun halo rekizasaun hodi sosa kareta operasional hamutuk hat (4); tolu (3) kareta operasional no ida (1) Komisaun sei sosa kareta celula (mobil tahanan). Rekizasaun sosa kareta ne’e Komisaun preve iha verba Kapital Minor 

Kareta celula ne’e sei suporta tebes servisu Espesialista Anti-Korrupsaun (EAK) investigador sira iha terenu wainhira EAK halo aksaun represivu no kaptura suspeitu. Razaun preve osan hodi sosa kareta celula ne’e ho objetivu atu asegura salvasaun investigador sira nian. Tamba, durante tinan 10 ezistensia CAC nian suspeitu no investigador sira sae kareta tur hamutuk deit.

“Ita (Komisaun) sei sosa kareta hat (4) no ida (1) kareta celula. Tamba, durante ne’e ita nian investigador sira kaer ema (suspeitu) maibe suspeitu sira ne’e tur hamutuk ho ivestigador sira iha kareta ida deit. Ida ne’e, buat ida ladun loos ida,” Informa Komisariu Adjunto Alexandre ba Deputadu Komisaun A PN sira iha Sala Konferensia PN nian iha Uma Fukun Parlamentu Nasional Dili loron Sesta-feira (13/11) semana kotuk.

Rekizasaun sosa kareta celula ida ne’e sei asegura liu tan servisu investigador sira nian iha luta kontra krimi korrupsaun. Ida ne’e mos sei halo kompleta CAC nian servisu investigasaun criminal nian ne’ebé konstroe tiha ona sela detensaun rasik iha tinan 2016 liu ba. (*)

Permanent link to this article: https://cac.tl/2020/11/tinan-2021-cac-sei-iha-kareta-celula-rasik/

CAC Akompanha Implementasaun Programa Sesta Bazika Hahu Inisiu ho Pro-Aktivu

Dili – Senior Management Comissão Anti-Corrupção (CAC); Komisariu Dr. Sergio Hornai, Komisariu Adjunto ba Investigasaun Kriminal Dr. Augusto Castro no Komisariu Adjunto Prevensaun no Sensibilizasaun Dr. Luis Sampaio informa ba Komisaun A Parlamentu Nasional katak Komisaun akompanha implementasaun Dekretu Lei Nu. 48/2020 sobre Sesta Bazika iha Sala Konferensia PN nian iha Uma Fukun Parlamentu Nasional Dili Iha loron Sesta-feira (13/11) semana kotuk.

Komisariu Dr. Sergio Hornai ho ninian Komisariu Adjuntu sira informa ba Prezidenti Komisaun A PN Dr. Joaquim dos Santos Boraluli katak CAC akompanha implementasaun programa ida ne’e hahu iha abertura (Sesta Bazika) iha Hera Metinaro ba too iha Palaka Balibo Munisipiu Bobonaro.

“Dadus lubuk oan ida iha ita (CAC) nian liman ona. Servisu programa ne’ebé halao hela iha Palaka Balibo mos CAC halao hela akompanhamentu no la kleur tan ita (CAC) halo akompanhamentu ba iha prosesu sira ne’e para halo tuir Dekretu Lei Nu. 48/2020,” Informa KOmisariu CAC Sergio ba iha Komisaun A PN.

Akompanhamentu ne’ebé CAC halao hela ho pro-aktivu nne’e wainhira iha implementasaun mak akontese desviua ruma, la taka dalan atu CAC haloprosesu investigasaun criminal bazeia ba faktus no provas ne’ebe oras ne’e Espesialista Anti-Korrupsaun (EAK) rekolha namanas.

“Dezvius bele responsabiliza ho individu no mos kolektivu ho ninian sirkumstansia sira ita hetan husi faktus, husi provas no oinsa mak ita bele kualifika e lori sasan sira ne’e ba iha Ministeriu Publiku nudar titular aksaun penal,” Komisariu Sergio sublinha.

Komisariu Adjunto ba Asuntu Investigasaun Kriminal Dr. Agosto Castro informa ba Komisaun A PN katak akompanhamentu ba Programa Sesta Bazika ne’e servisu investigasaun criminal CAC nian halao hela servisu averiguasaun ba iha distribuisaun Sesta Bazika.

“Informasaun sira ne’ebé ita nian Unidade Informasaun Seguransa (UIS) rekolha ona sei analisa. Analisa informasaun ami (servisu sekreta) rekolha tiha ona ne’e sei halo analisa klean hahu husi prosedimentu, prosesu aprovizionamentu nian too ba iha distribuisaun ba iha komunidade sira.

CAC totalmente akompanha ida ne’e hahu kedas husi inisiu too mai agora iha prosesu distribuisaun hamutuk ho PDHJ, Sosiedade Civil no Komunikasaun Sosial sira. (*) 

Permanent link to this article: https://cac.tl/2020/11/cac-akompanha-implementasaun-programa-sesta-bazika-hahu-inisiu-ho-pro-aktivu/

Home
Account
Cart
Search