Lei MPCC Fortalese Boa Governasaun, Transparánsia, Integridade Aas no Hasees Servidór Estadu husi CoI

Dili- Komisariu Comição Anti Corrupção (CAC) Sergio Hornai hamutuk ho Komisariu Adjuntu Prevensaun no Sensibilizasaun Luis de Oliveira Sampaio Kuarta-Feira (27/10) ohin disemina informasaun kona-ba Lei Nú 7/2020- Lei Medidas Prevenção Combate Corrupção (MPCC) Senioa Management Banco Central Timor-Leste (BCTL) ne’ebé lidera husi Abrão de Vasconselos iha Otél Novo Turismo Bidau Dili.

Iha Sesaun oportunidade ne’e, Komisariu Sergio ko’alia ba Governadór Abrão de Vasconselho ho nia dirijente sira katak boa governasaun no transparánsia sai hanesan aliserse ida mai husi demanda Konstituisaun Repúblika.

Komisariu Sergio Hornai ba estrutura BCTL katak Lei MPCC liu-liu iha Rejime Deklarasaun Rendimentu Bens no Interese (DRBI) revela espiritu atu haklean integridade Servidór Estadu nian hodi halo servisu ho responsabilidade, onestidade, transparánsia no akuntabilidade ba povu ho nasaun nian diak no prosperiedade.

Lei (MPCC) ida ne’e tulun ita (servidor povu) atu hasa’e ita ninian integridade atu nune’e bele iha kapasidade no lejitimidade wainhira ezerse funsaun iha servisu fatin hodi hase’es an husi konflitu de interese (CoI),” Katak Komisariu Sergio.

Iha oportunidade hanesan, Komisario Adjuntu Luis Sampaio fokus esplika konteudu sira husi lei MPCC nian Kapitulu II husi Artigu 27 até artigu 58 kona-ba  Autoridade kompetente ba implementasaun deklarasaun nian, Pesoa sira ne’ebé obrigatoriamente atu deklara, membru agregadu familiar no deklarante sira, konteudu deklarasaun, periodu deklarasaun, verifikasaun, infrasaun no sansaun sira.

Iha okaziaun ne’e, Komisario Sergio espresa nia apresiasaun ksolok nian ba Governadór Banco Central Timor-Leste ho nia estrutura tomak ne’ebé hatudu boa vontade no inisiativa di’ak hodi konvida CAC hala’o sorumutu sesaun partilla hamutuk ba Lei MPCC nian, espesialmente Kapitilu II: Deklarasaun Rendimentu Bens no Interese ninian. (*)

Senior Management CAC hala’o Sorumutu Kortezia ho KomJer PNTL Faustino

Dili- Senior Management Comição’Anti Corrupção (CAC) lidera husi Komisariu Sergio Hornai, akompaña husi Komisariu Adjuntu Augusto Castro, Luis de Oliveira Sampaio, Alexandre Freitas hala’o sorumutu kortezia ho Komandante Jeral Polisia Nasionál Timor-Lorosa’e (PNTL) Faustino ds Costa, Sesta-Feira (15/10) ne’e iha Salaun Gabinete PNTL, Caicoli Dili.

Objetivu husi sorumutu kortezia ne’e atu hametin lasu kooperasaun institutional entre CAC ho PNTL koalia mos atu revona MoU ne’ebe lider instituisaun rua ne’e asina iha loron 22 fulan Fevereiru 2016 no termina iha loron 22 Fevereiru 2020.

Sorumutu kortezia ida ne’e nudar kontinuasaun sorumutu nebe Komisariu Segundu Mandatu Aderito Pinto Tilman halo iha pasadu hodi haforsa no melloria liu-tan servisu entre instituisaun rua ne’ebe sei kobre; Apoiu seguransa ba CAC, fahe informasaun kriminal, utiliza fasilidade tekniku, infrasturutur fiziku, halo operasaun no formasaun konjunta.

Liu husi sorumutu kortezia ne’e, Komisariu Sergio Hornai espresa mós nia apresiasaun ba Komandante PNTL ne’ebé sempre hatudu ninia prontidaun hodi koopera hamutuk ho CAC ba servisu interese estadu nian iha ámbitu luta ba prevensaun no kombate korrupsaun iha Timor-Leste. (*)

Jestór CEF no PFMO Aprezenta Dadus Investigasaun Kriminál nian mai CAC

Dili – Projetu PFMO komponente 2 liu husi nia Jestór CEF Dr. Manuel Santos no Xefe Inspektór Dr. Jorge Duque, Sesta-Feira (15/10) aprezenta rezultadu servisu Tratamentu Dadus kona-ba Relatóriu Annuál CAC nian liu husi esplanasaun Modulu Excel no Baze Dadus mai Komisariu Comissão Anti  Corrupcao (CAC) Sergio Hornai nebe marka mos prezensa Komisariu Adjuntu ba Asuntu Investigasaun Augusto Castro no Espesialista Anti-Corrupção (EAK) iha Hotel Novu Turismo Lecidere Dili.

Dr. Manuel Santos introdus mai CAC relativamente ho investigasaun kriminál ba Rejistu no Tratamentu Dadus nian. Iha tempu hanesan aprezentador seluk Dr. Jorge Dukes halo esplanasaun konaba rekollamentu dadus no tratamentu estatístiku dinámiku durante iha kampu bazeia ba modulu excel, modulu baze dadus no tabela dinámika.

Hafoin aprezenta no esplanasaun rezultadu rekollamentu dadus mai CAC, Komisariu Sergio Hornai iha nia intervensaun espresa ninia hanoin katak dadus ne’ebé PFMO aprezenta mai CAC ne’e útil tebes espesialmente iha núkleu brigada ne’ebé reponsavel ba baze dadus nian.

Ida ne’e útil ba CAC, espesialmente parte kampu traballu nian iha investigasaun kriminál. Talves ho forma ida ne’e bele ajuda oituan CAC nia servisu atu fasilita iha parte distribuisaun, kontrolu no ba buat hotu”, Katak Komisariu Sergio.

Iha biban ne’e, Komisariu Sergio Hornai akresenta mós atu iha kooperasaun ida metin liu-tan entre PFMO no CAC iha futuru hodi apóiu nafatin CAC iha ámbitu dezenvolvimentu institusionál no fortalese sistema ida konsolidadu.

La’os deít iha jestaun administrativu, maibé bele tulun CAC en termus iha parte forensik nian relativamente ho análiza, averiaguasaun, no notisia krime sira, Katak Komisariu Sergio.

Komisariu Sergio mos manifesta CAC ninian interese espesial ba PFMO, atu nune’e posivel iha futuru bele dezenvolve di’ak liu-tan la’os área kampu politika, maibé konkretizasaun ba sistema ne’ebé iha hanesan prátika operasionál nian mos.

PFMO nu’udar parseria ba supervizaun Finansa Públika iha Timor-Leste ligadu ho prevensaun no kombate kriminalidade ekonómika no finanseiru. PFMO mos halo kolaborasaun iha formasaun ba kuadrus instituisaun sira iha Timor-Leste Timor-Leste ne’ebe instituisaun Comissão Anti-Corrupção mos hetan benefisiu. (*)

“Universitariu FD UNTL Tenke sai Vinduras iha Aliserse ba Estadu Direitu no Jurista ho Sabedoria Di’ak” Komisario Sergio

Dili- Komisariu Comição Anti-Corrupção (CAC) Sergio Hornai Kuarta-feira (13/10) ne’e sai orador prinsipál iha eventu komemorasaun aniversariu tinan 16 ezisténsia Fakuldade Direitu (FD) Universidade Nasionál Timor Lorosae (UNTL) ho tema “Promove no Eleva Koñesimentu Jurídiku ba Estudante Fakuldade Direitu” iha Salaun Auditorium UNTL Dili. Paper ne’ebé Komisariu Hornai aprezenta iha okaziaun ne’e mak “Papél Jurista ba Konsolidasaun Estadu Direitu Demokratiku iha Sosiedade Timorense”.

Komisario Sergio Hornai ko’alia ba universitariu atu sai vinduras iha aliserse ba estadu direitu no buka hatene, koñese no fó resposta ba sosiedade Timorense nian problema direitu kriminál, direitu konstitusionál, direitu administrativu, direitu sivíl no direitu prosesuál.

Komisariu Sergio enkoraja universitarius Fakuldade Direitu UNTL nian atu estuda maka’as hodi sai jurista di’ak ho responsabilidade boot ba konsolidasaun Estadu Direitu Demokrátiku Timor-Leste ho konsiénsia no kompaisaun di’ak mós.

Tempu ona ba ita boot sira atu na’ok professor sira nia matenek, sabedoria, paisaun, dedikasaun hodi ita bot sira bele halo prozesaun ba oin”, Katak Komisariu Sergio iha ninian aprezentasaun ba universitariu sira.

Komisariu Sergio Hornai esplika ba universitariu sira katak papél jurista nian iha sosiedade mak atu halo servisu ba justisa iha ne’ebé área ne’e importante ba fortalesimentu Estadu Direitu Demokrátiku, boa governasaun no respeitu ba direitu umanu no liberdade fundamentál sira. Papél Juiz nian mak atu kontribui no pasifika desizaun hotu, iha ne’ebé problema sira levanta husi sidadaun ruma, revé nia mandatáriu, advogadu, hodi fó solusaun relativamente ho kauza sira justisa nian. (*)

Ekipa Tékniku CAC-TIC Diskute Esbosu Formulariu Dizitál DRBI iha Salaun JP Comoro

Dili- Senior Management Comissão Anti-Corrupção (CAC) lideradu Komisariu Dr. Sérgio Hornai hamutuk ho Komisariu Adjuntu na’in tolu; Dr. Augusto Castro, Dr. Luis de Oliveira Sampaio no Dr. Alexandre Freitas konvoka workshop diskusaun konjunta ida ho ekipa tekniku husi CAC no Tecnologia Informação e Comunicação (TIC) Timor nian durante loron ida kona-ba Esbosu Formulariu Dizitál ba Deklarasaun Rendimentu, Bens Servisu no Interese (DRBI) iha loron Tersa-feira (12/10) iha Salaun João Paulo Comoro Dili.

Diskusaun ida ne’e nu’udar sorumutu ba dala tolu entre CAC ho TIC nian ne’ebé organiza husi ekipa CAC no fokus diskute kona-ba dezenvole sistema formulariu dizitalizasaun ho ninian estrutura no formatu ne’ebé TIC dezenvolve hela iha sistema hodi aprezenta mai iha CAC.

CAC instituisaun kompetente ne’ebé inisia esbosu konteudu no autoridade implementador sistema deklarasaun rendimentu, bens servisu no interese nian durante loron ida diskute ativamente iha workshop ne’e hodi ajusta ideas, rekomendasaun sira ho metas atu hametin liu-tan lasu kooperasaun instituisaun Estadu CAC no TIC iha futuru.

Komisariu Hornai hateten servisu hamutuk entre TIC no CAC sei rezulta finalidade ida oinsá bele estabelese sistema ida konsolidadu, integradu, no evita ba esesu rískus sira ne’ebé iha nia probabilidade no pesoál irresponsavel sira atu penetra tama iha sistema laran.

Ita iha ona instituisaun preferénsia hanesan TIC, Autoridade Ajénsia Informasaun Teknolojia, ita buka esforsu sira hotu-hotu oinsá mak ita bele halibur rekursu sira atu bele hametin sistema sira liu-liu ba iha informasaun no teknolojia ninian”, Katak Komisariu Sergio ihan inian intervensaun.

Komisariu Sergio hatutan teni, hafoin Lei Nú 7/2020 MPCC entrada em vigór iha loron 26 fulan Agostu 2020, kontinua ho ninian efetividade iha 20 fevereiru 2021. Nune’e, CAC nu’udar autoridade kompetente haree katak importante no pertinente halo medidas sira urjente hodi bele hakbiit Espesialista Anti-Korrupsaun (EAK) bainhira implementa.

Atu implementa presiza kbiit no koñesimentu EAK sira nian ida natoon kona-ba informasaun no teknolojia hodi nune’e bele asegura deklarantes deklarasaun rendimentu, bens no interese en termus seguransa jurídika,” Komisariu Sergio realsa.

Diskusaun durante loron ida ne’e, ekipa rua konkorda ho esbosu ne’ebé dezenvolve dadaun no konsidera nu’udar matadalan ida hodi gia diskusaun profundu iha futuru. Diskusaun tuir mai tékniku instituisaun rua nian sei halo análiza kualidade konteudu deklarasaun nian.

Diskusaun tuir mai ekipa rua sei fokus deskute kona-ba ekipa husi DRBI (Deklarasaun Rendimentu, Bens no Interese) nian sei halibur informasaun no ninian konteudu sira tuir lei MPCC. Ho diskusaun ne’e, ekipa rua bele halo ajustamentu ba esbosu formulariu ne’ebé iha ona hodi aselera finalizasaun formulariu eletróniku nian.

Oportunidade diskusaun loron ida ne’e Senior Management CAC unanimous hato’o apresiasaun ba servisu konjunta instituisaun rua CAC ho TIC ne’ebé hatudu vontade no inisiativa sira di’ak ba sevisu interese estadu ninian iha implementasaun Lei MPCC. (*)

Komisariu CAC Sergio Sorumutu ho Enkaregadu Ambassador EUA mai TL

Farol – Komisariu Sergio Hornai Comissão Ant- Corrupção (CAC) akompaña husi Chefe Unidade Koooperasaun João Correia do Rosario Sesta-feira (8/`10) hasoru malu ho Enkaregadu Amabassador Esradus Unidu America (EUA) nian mai Timor-Leste Dr. Tom Daley iha edifisiu Central CAC farol Dili.

Enkaregadu Amabassador EUA nian mai Timor-Leste Señor Daley esplika mai Komisariu Hornai kona-ba prioridade governasaun Prezidenti EUA Joe Bidden nian iha ne’ebé prioridade governu ida mak kombate korrupsaun.

CAC nu’udar instituisaun Estadu Timorense mós iha ona lista EUA nian nu’udar ajénsia anti-korrupsaun ne’ebé bainhira EUA presiza prezensa reprezentante TL nian mak konvite sei dirije mai iha CAC hodi ba atende sorumutu iha EUA.

Iha sorumutu ne’e, Komisariu Hornai husu ajuda ba iha Embasada EUA nian atu kontinua nafatin ajuda CAC hanesan Embassada EUA halo ona durante tinan barak ho diferentes Ambassador hanesan ekipamentu ba case management system, identifikasaun fingerprint falsa no kontinua programa formasaun  no kapasitasaun ba EAC sira wainhira pandemia globál COVID-19 hotu ona..

Responde ba Komisaeiu CAC Hornai nian pedidu atu EUA nian embasada iha Timor-Leste Señor Daley tau iha notas hodi konsidera no kontinua depozita asisténsia. (*)