Comissão Anti-Corrupção

Komisariu CAC Rui Pereira dos Santos lidera ekipa Espesialista Anti-Korrupsaun (EAC) ba Asuntu Servisu Kooperasaun (SAK) Segunda-feira (12/8) ne’e halo audiensia kortezia ida ho Ministro Estadu no Prezidenti Konsellu Ministro (PCM) Agio Pereira iha ninian servisu fatin Palacio Governu Dili.

Objetivu husi audiensia kortezia ida ne’e hodi transmite informasaun ba Prezidente Konsellu Ministru Agio Pereira kona-ba progresu avaliasaun implementasaun konevensaun UNCAC (United Nation Convention Against Corruption) siklu daruak nian, kapitulu II-medida prevensaun no kapitulu V-rekuperasaun ativa, iha ne’ebé CAC reprezenta estadu TL lidera hela implementasaun kompromisiu internasionál ida ne’e hodi kombate korrupsaun durante tinan 10 resin ona.

Read More

Komisariu Comissão Anti Corrupcão (CAC) Dr. Rui Pereira dos Santos akompanha husi Diretor Prevensaun no Sensibilizasaun (DPS) Rosario de Araujo Salsinha no Ekipa Espesialista Anti Korrupsaun (EAC) iha Unidade Estudu no Avaliasaun Risku Segunda-feira (5/8) ne’e ba halao lansamentu rezultadu Estudu no Avaliasaun Risku ba Atividade Subvensaun Publika nian iha SEFOPE Caicoli Dili.

Komisariu CAC Rui iha ninian intervensaun sublinha estudu hanesan laos halo deit iha SEFOPE maibe halao mos iha ministerius Ministeriu Komersiu, Industria no Ambiente (MCIA), Sekretariu Estadu Terras e Propriedade ne’ebé ninian rekomendasaun atu hametin boa-governasaun no hado’ok mal-jestaun hodi lori kargu chefias sira responsavel ba subvensaun publika iha SEFOPE hatan sanksaun administrativa no mos responsabilidade kriminal.

Read More

Sensibilizasaun lei nú 7/2020 kona-ba Medida Prevenção à Combate ao Corrupção (MPCC) nu’udar atvidade anuál ne’ebe faz parte ida iha ami nia programa prinsipál ida kona-ba boa governasaun no dezenvolvimentu institusionál iha instituisaun estadu sira.

Enkuadramentu legál ida ne’e, CAC sensibiliza beibeik ona ba instituisaun estadu no privadu sira iha territoriu nasionál dezde hetan promulgasaun husi Prezidente Repúblika sesante Francisco Guterres ‘Lu-Olo’ iha tinan 2020 liu-ba.

Read More

Hanesan komisariu, foin mak hala’o servisu iha CAC iha dia 5 jullu 2024. Se ita haree fila-fali ba kotuk, ita hotu hatene, CAC nia servisu kuaze antes ne’e la la’o tiha. Durante ‘𝑣𝑎𝑐𝑢𝑚’ tinan ida resin, atividade balun hala’o, maibé iha Dili laran de’it. Atividade balun la’o ne’e mós tanba parseria sira mak tulun hodi halo servisu. Purtantu, semana rua ka tolu komisariu mai iha CAC ne’e, Komisariu hala’o de’it servisu hodi normaliza fali servisu administrasaun nian.

Tanba ne’e, iha oportunidade ida ne’e, ha’u hakarak akresenta de’it, ba kargu diretór no xefia sira, atu ita boot sira hala’o servisu hanesan baibain ho didi’ak no ho responsabilidade, liu-liu ba servisu Diresaun Teras no Propriedade, no Diresaun Rejistu no Notariadu. Instituisaun hirak ne’e, hetan atensaun makaas husi públiku, tanba ema barak kestiona kona-ba atendimentu dokumentu pasaporte no rai ninian. Sasan sira ne’e mak sai preokupasaun públiku ninian durante ne’e.

Read More