COMISSÃO ANTI-CORRUPÇÃO

GABINETE DO COMISSÁRIO

Rua Sérgio Viera de Melo, Farol, Díli, Timor-Leste

Telef. (+670) 3331329, (+670) 3331382, E-mail: cac_tl@yahoo.com

Komunikadu da Imprensa

‘Planu Estratéjiku ba CAC’

22-24 Fevereiru, 2011

 

CAC finaliza  rekrutamentu pessoal ba tinan 2010 iha Novembru no instala ona fasilidade lubuk ida hodi halao servisu. Oras ne’e dadaun divisaun hat iha CAC halao hela atividade rutina sirak, inklui  halao hela investigasaun ba kazu balun nebe’e mak delega ona  husi Ministériu Públiku mai CAC, nomós ba kazu ne’ebé  mak CAC rasik indetifika no hetan mós notofikasaun husi Ministériu Públiku.

Maski programa no atividade ba tinan 2011 desenvolve tiha ona, CAC fiar katak nesesáriu duni ba CAC atu desenvolve planu estratéjiku ida ba tinan lima  nian. Nune’e mak iha loron 22 to’o 24 fulan-Fevereiru, 2011 CAC sei organiza sorumutu ba dezenvolve dokumentu Planu Estratéjiku nian ne’ebé sei halao iha Sentru Formasaun Salão João Paulo II, Kongregasaun Madre FMA Comoro, Dili. Atividade ne’e sei involve funsionáriu tomak husi CAC nian nomós sei konvida partisipante eksternál balun.

Agenda ba sorumutu ne’e mak: Diskute no analisa informasaun jerál ruma  ne’ebé sei halao iha loron dahuluk. Depois tuir ho analiza SWOT iha loron daruak no dezenvolve program iha loron datoluk. Sorumutu ne’e sei loke formalmente husi Prezidenti Parlamentu Nasional Sr. Fernando La Sama de Araújo. Palestrante ba loron dahuluk inklui Vise Ministru Finansas Dr. Rui Hanjam, Prokuradora Jerál da Repúblika Dra. Ana Pessoa , Deputado Sr. Manuel Tilman no Deputada Sra. Fernanda Borges no sirak seluk tan. Informasaun husi loron dahuluk sei sai hanesan referénsia ruma mai CAC hodi bele dezenvolve planu estratéjiku ida ne’e.

Agenda ba loron dahuluk hanesan tuir mai ne’e:

Óras

Tópiku

Orador

08.00-08.20

 Rejistrasaun  

08.20-08.30

 Lia-fuan Benvindu Komisáriu CAC

08.30-09.00

 Sesaun Abertura /  Lia-fuan badak husi:

 

 Prezidente Parlamentu Nasionál

09.00-09.20

 Pausa ba Kafé/Xá  

09.20-10.30

 Planu Estratéjiku Dezenvolvimentu Nasionál no mós Fundus Espesial iha orsamento tinan fiskal 2011 Ministra Finansas / Vise Ministru Finansas

10.30-11.00

 Papél Setór Judisiáriu iha Estadu Timor-Leste Ministra Justisa / Vise Ministru Justisa

11.00-11.30

 Papél Komisaun C no GOPAC Sr.Manuel Tilman no Sra. Fernanda Borges

11.30-12.15

 Papél Ministériu Públiku ba kombate korrupsaun Procuradora Jerál

12.15-13.45

 Almosu  

13.45-14.45

 Papél PDHJ, Inspetór Jerál no Komisaun Funsaun Públika Sr. Sebastião Ximenes, Sr. Fransisco Carvalho no Sr. Libório Pereira, MIM

14.45-15.15

 Papél ABP  ba Kombate Korrupsaun Sr. Abrão Vasconcelos

15.15-15.30

 Pausa ba Kafé/Xá  

15.30-16.00

 Papél PNTL ba Kombate Trafiku Korrupsaun Komandante Jerál PNTL / Dirétor Unidade Investigasaun Kriminál

16.00-16.45

 Papél NGO’s ba Kombate Korrupsaun NGO FORUM, La’o Hamutuk, Luta Hamutuk no LABEH

16.45-17.15

 Implementasaun UNCAC nian iha Timor-Leste UNMIT

17.15-18.00

 Sumáriu Fasilitador

 

Ba Media sira ne’ebé  mak hakarak halo kobertura ba sesaun sirak iha loron dahuluk, ami nia odamatan nakloke.

 

Kontaktu: Joao C. do Rosario  (Nú Hp. 7370935)