Komisariu Comissão Anti-Corrupção (CAC) Sergio Hornai akompanha husi Estrutura Espesialista Anti-Korrupsaun (EAK) Kinta-feira (22/12) ohin hala’o sorumutu ho reprezentante Projetu PFMO-C2 “OSAN POVU NIAN, JERE HO DI’AK” Sra. Cristinha no Hugo Lourenço iha Salaun Sorumutu CAC Farol Dili.
Objetivu husi sorumutu ida ne’e hodi ko’alia kona-ba kontinuasaun kooperasaun entre instituisaun rua atu realiza formasaun ba espesialista anti-korrupsaun nian iha rai laran no mós iha rai li’ur.
Rezultadu sorumutu loron ohin nian parte rua konkorda malu sei hala’o formasaun espesialidade iha área investigasaun krminál ninian. Formasaun sira sei kobre asuntu, kriminalidade korrupsaun, kriminalidade ekonomia finanseira, inklui formasaun ba IT Analisis Software.
Finalidade husi formasaun ida ne’e atu bele hakro’ak abilidade no koñesimentu orgaun polisiál espesializada CAC nian hodi hametin prinsipiu boa-governasaun, liu husi misaun investigasaun kriminál ninian iha Timor-Leste.
Projetu PFMO-C2 “OSAN POVU NIAN, JERE HO DI’AK” halo ona kooperasaun servisu ho Comissão Anti-Corrupção ho instituisaun judisiaria sira seluik realiza ona formasaun sira seluk kona-ba asuntu jestaun finansa públika iha tinan 2021.
