Komisariu Comissão Anti-Corrupção (CAC) Dr. Sergio Hornai akompaña husi Xefe Unidade Kooperasaun João Correia iha Kuarta-Feira (13/7) ohin hala’o sorumutu ho delegasaun Uniaun Europeia (EU) Domenec Ruiz Devesa ho nia ekipa iha edifisiu CAC, Farol Dili.
Objetivu husi sorumutu ne’e Xefe Observadór UE nian Domenec Ruiz Devesa entrega relatóriu finál Misaun Observasaun Eleitorál- Timor-Leste (TL) Tinan 2022 mai Komisariu Sergio Hornai.
Komisariu Sergio Hornai iha oportunidade ne’e depozita nia agradesimentu wa’in ba Misaun UE iha TL ne’ebé kontribui másimu iha observasaun kampaña eleitorál durante ne’e iha eleisaun prezidensiál.
Informasaun no dadus sira deskobrimentu iha prosesu eleitorál nian ne’e mai CAC liu husi rekomendasaun sira hodi kontribui hamutuk ho CAC iha luta prevene no kombate krime korrupsaun iha TL.
