𝗖𝗔𝗖 𝗘𝗻𝘁𝗿𝗲𝗴𝗮 𝗗𝗼𝗸𝘂𝗺𝗲𝗻𝘁𝘂 𝗣𝘂́𝗯𝗹𝗶𝗸𝗮𝘀𝗮𝘂𝗻 𝗜𝗻𝘀𝘁𝗶𝘁𝘂𝘀𝗶𝗼𝗻𝗮́𝗹 𝗯𝗮 𝗗𝗲𝗹𝗲𝗴𝗮𝘀𝗮𝘂𝗻 𝗟𝗶𝗯𝗿𝗮𝗿𝘆 𝗼𝗳 𝗖𝗼𝗻𝗴𝗿𝗲𝘀𝘀

Library of Congress Jakarta Office nia delegasaun Mrs. Ade Farida semana ne’e vizita mai Timor-Leste no hala’o sorumutu kortezia ho Estrutura Diresaun Servisu Apóiu Kooperasaun, Comissão Anti-Corrução (CAC) iha Edifisiu CAC Pantai Kelapa Dili.

Objetivu husi sorumutu ne’e relasiona ho karta pedidu ne’ebé hato’o mai iha CAC nia Unidade Kooperasun kona-ba rekolla dokumentu públikasaun sira CAC nian.

Iha oportunidade ida ne’e, reprezentante CAC nia Xefe Unidade Kooperasaun João Correia entrega dokumentu publikasaun sira maka hanesan, Relatóriu Anuál CAC tinan 2018 to’o 2022, Relatóriu Estudu Avaliasaun Rísku Korrupsaun ba Instituisaun Estadu Sira, Relatóriu Survey ba Persepsaun Públiku no Integridade Institusionál nian, inklui Buletin Integridade CAC nian edisaun 16,17, 18 no 19.

Antes ne’e ka iha tinan hirak liu-ba, Library of Congress Jakarta Office halo ona vizita beibeik mai iha Timor-Leste no hasoru malu beibeik ona ho estrutura CAC nian hodi rekolla dokumentu sira hanesan, inklui mós kolekta livru, journal, pamfletu, poster, video no musik iha instituisaun sira seluk. Library of Congress Jakarta Office nu’udar instituisaun ida entre instituisaun neen iha mundu ne’ebé kolekta, prezerva no distribui bibilioteka no materiál peskiza sira iha sudeste asiatiku iha instituisaun Guvernu, instituisaun peskiza sira, universidade, NGO, asosiasaun no publikasaun komersiál sira.