𝗘𝗔𝗞 𝗡𝗮’𝗶𝗻 𝗛𝗮𝗮𝘁 𝗣𝗮𝗿𝘁𝗶𝘀𝗶𝗽𝗮 𝗦𝗲𝗺𝗶𝗻𝗮𝗿𝗶𝘂 𝗜𝗖𝗧 𝗶𝗵𝗮 𝗧𝗶𝗺𝗼𝗿-𝗣𝗹𝗮𝘇𝗮

Comissão Anti Corrupção (CAC) nia Espesialista Anti Corrupção Informasaun Teknolojia (IT) na’in haat Kinta-Feira (22/6) ohin partisipa iha Synex Metrodata Seminar with Fortinet iha salaun Suai Room, Timor-Plaza Dili.

Seminariu ida ne’e organiza husi Synnex no Fortinet Indonesia servisu hamutuk ho Visimitra. Objetivu seminariu ne’e hodi aprende barak liu tan no aperfeisiona servisu IT nia dezempeñu hodi proteje rede internet instituisaun nian ho fortiGate NGFWs no protesaun endpoint.

Materia sira ne’ebé aprende husi seminariu ne’e maka visibilidade no protesaun ba superfisie hotu ne’ebé ataka dijitál hodi mellora jere risku sira, solusaun ne’ebé reduz kompleksidade jerensiamentu no kompartilla intelijénsia iha ameasa sira, no rede ba autoreparasaun ba seguransa hotu ne’ebé orienta ba operasaun rápida no efisiente.

Orador ba seminariu ne’e mai husi espesialista ICT husi Synex Metrodata Indonesia no Fortinute Indonesia. Partisipante sira mai husi instituisaun estadu oioin Timor-Leste nian.