Comissão Anti-Corrupção (CAC) Sesta-feira (24/2) ohin komemora Loron Funsionamentu ba Dala 13 ho tema jeral “Esforsu Kolletivu Ba Luta Kontra Korrupsaun Iha Timor-Leste: Iha Ne’ebe No Atu Ba Ne’ebe” iha Salaun Lalini CNE Colmera Dili.
Selebrasaun ne’e ofisialmente halo lansamentu relatoriu preliminaria survei persepsaun publika kona-ba korrupsaun no sistema arolamentu Deklarasaun Rendimentu Bens no Interese (DRBI).
Objetivu husi komemorasaun ne’e atu Timoroan sira liu-liu servidor povu reflete kontinuidade esforsu nivel estadu tomak ba prevene no kombate Korupsaun iha Timor-Leste. Hasa’e partisipasaun ativu Timoroan hotu nian iha luta kolletivu ba prevene no kombate komrpsaun.
Komisariu Sergio Hornai iha ninian intervensaun lori ninian estrutura Senior Management CAC nian agradese ba kolaborasaun diak durante ninian mandate iha tinan hat (4) nian laran ne’ebé halo parseria di’ak ho entidades tomak iha Timor-Leste iha luta kontra korrupsaun.
Komisariu Sergio Hornai revela rezultadu servisu Diresaun Investigasaun (DI) criminal, Diresaun Servisu Apóiu no Kooperasaun (DSAK) no Diresaun Prevensaun no Sensibilizasaun nian iha Terseira Mandate husi Komisariu CAC nian ne’ebé nia lidera ba husi tinan 209 too mai tinan 2023.
“Comissão Anti-Corrupção (CAC) hakarak agradese ba entidade hotu-hotu, tantu publiku no provada sira, sosiedade civil, akademista, media no sidadaun hotu-hotu ne’ebé durante ne’e hatudu sira ninian Espiritu aas konytribui ba asaun sira luta kontra korrupsaun iha Timor-Leste,” Katak Komisariu Sergio iha ninian intervensaun.
Komisariu Sergio Hornai iha ninian intervensaun ikus kontinua enkoraja Timoroan sira liu-liu servidor povu iha instituisaun publiku atu hametin Estadu Direitu Demokratika hodi hatoman an iha kultura rejensaun pratika korrupsaun.
“Mai tau enerjia positive sira hodi hametin Estadu Direitu Demokratiku, hatoman kultura ka pratika rejeisaun ne’ebé forte iha aktu sira korrupsaun nian ho fo biban ba utilizasaun kapital social ne’ebé too duni ba povu hodi hamosu moris prosper oba povu no RDTL,” Komisariu aforma.
Espiritu husi selebrasaun kada tinan atu fó honra no gloria ba patriota Timoroan sira ne’ebé deside dedika sira ninian moris no vokasaun sai Espesialista Anti-Korrupsaun (EAK) hodi servi povu no nasaun doben Timor Leste iha luta sagradu prevene no kombate korruipsaun hafoin Timor-Leste restaura ninian independensia.
Selebrasaun tinan ne’e, Komisaun realiza programas no atividades lubun balun; 1. Misa agradesimentu, 2. Lansamentu preliminariu no aprezentasaun relatoriu survey persepsaun pribliku kona ba korrupsaun, 3. Lansamentu estudu no avaliasaun risku subvensaun publiku iha SEFOPE, 4. Lansamentu no introdusaun Sistema arrolamentu ba DRBI, 5. Sesaun hafahe informasaun anti-korrupsaun ho estudante universitariu sira no 6. Talkshow iha radio no televizaun nasional.
Rohan husi selebrasaun ne’ebé realiza ohin iha Salaun Lalini CNE mak jerente senior instituisaun publiku; Diretur Jeral, Diretor Nasional Rekursu Humanu, Inspetor-Jeral husi lina ministerias, sosiedade sivil, estudante, parseiru sira, media, funsionariu CAC, eis Komisiiriu no Adjuntu sira ne’ebé akumula total partisipantes 350.
Partisipa iha serimonia anniversariu ida ne’e CAC mak; Ministro Justisa Tiago Sarmento, Vice Prezidenti Tribunal Rekursu Maria Natercia Gusmão, Prokuradora Geral Adjunta Remizia da Silva, Diretor Jeral SNI Koronel Amico da Camara, Diretor PCIC Vicente Brito, Prezidenti Autoridade Munisipiu Dili Guelhermina Ribeiro, Vice Prezidenti CNE Domingos Barreto no jerente senior husi reprezentante linhas ministeriais, parseiru internasional no sosiedade civil. (*)