Transparansia Internasional (TI) iha loron 31 fulan janeiru 2023 públika ona rezultadu indise Presepsaun Korrupsaun ba tinan 2022. Relatóriu Indise Persepsaun Korrupsaun tinan 2022, hatuur Timor-Leste nia esforsu prevene no kombate korrupsaun iha pozisaun 77 husi total paíse 180 no pontuasaun ka score 42 husi países 100.
Rezultadu publikasaun CPI hatudu progresu lubuk ida no indika Timor-Leste nia pontuasaun kontinua aumentu konstantemente iha última tinan haat ne’e, hahú husi tinan 2019 to’o 2022. Iha tinan 2021 Timor-Leste nia Indise Presepsaun Korrupsaun hatuur-an iha posisaun 82 no pontuasaun ka score 41. Iha tinan 2020 Indise Presepsaun Korrupsaun hatuur -an iha posisaun ualunulu resin neen (86) no pontuasaun ka score haat nulu (40) no iha Tinan 2019 Timor-Leste korrupsaun iha posisaun sianulu resin tolu (93) no pontuasaun ka score tolu nulu resin ualu (38).
Indise Presepsaun Korrupsaun ida ne’e hatudu mós progressu positivas no signifikativu, iha ne’ebé indika Timor-Leste iha nia medida sira ba prevene no kombate korrupsaun di’ak liu iha país iha Azia no país CPLP. Pozisaun no pontuasaun iha Associação de Nações do Sudeste Asiático (ASEAN), Timor-Leste okupa Iha pozisaun terseiru (3) mellor husi paíse sanulu resin ida (11), no iha países Comunidade dos Países de Língua Portuguesa (CPLP), Timor-Leste okupa iha pozisaun dahaat (4) husi país sia (9).
Biar nune’e, progessu sira ne’ebé sai dadaun ne’e la’os hatudu ona katak, Timor-Leste nia esforsu luta kontra korrupsaun di’ak ona, maibé presiza hametin koezaun kolektiva iha sosiedade ba luta kontra korupsaun, ezize mudansas kultura, komportamentu sidadaun sira nian iha setór públiku no privadu ka sosiedade ein jerál atu partisipa no komporta ba luta kontra korrupsaun. Presiza esforsu koletivu no iha vontade di’ak liu-tan hodi hadi’a no hametin sistema, nune’e hatuur prestasaun servisu sira mais efisiente, efikaz no justu hodi lori moris di’ak, sustentavel no prósperu ba Povu no Nasaun Timor-Leste.
Comissão Anti-Corrupção (CAC) hakarak agradese ba entidade hotu-hotu, tantu públiku no privada sira, sosiedade sivíl, akademista, média no sidadaun hotu-hotu ne’ebé durante ne’e hatudu sira nia espiritu aas kontribui ba asaun sira luta kontra korrupsaun iha Timor-Leste.
2022 Corruption Perceptions Index: Explore the… – Transparency.org
Viva Povu Timor-Leste,
Remata.