Komisariu CAC Sergio Hornai Sai Orador Prinsipal iha Workshop ba FP iha Munisipiu Manufahi

Komisariu Comissão Anti-Corrupção (CAC) Dr Sergio Hornai Tersa-feira (22/11) sai orador pronsipal iha workshop ba Funsionariu Publiku (FP) iha Munisipiu Manufahi ne’ebé organiza husi Provedoria Direitus Humanus no Justisa (PDHJ) bazeia ba Kooperasaun Institusional Quadrilateral entre instituisaun Estadu hat (4) CAC, PDHJ, CFP no IGE.

Aktividade Workshop via Kooperasaun Quadrilateral instituisaun xave hat ne’e ho tema “Prevene no Kombate Korrupsaun hodi Promove Governasaun Diak no Proteje Direitus Humanus iha Servisu Administrasaun Publiku” ne’e ho objetivu atu hasa’e prestasaun servisu, responsabilidade, disiplina, intergidade no dezempenha sira nia funsaun ho loloos no mos kontrolu ho efikas no efisiente husi FP linas ministeriais sira iha Salaun Administrasaun Munisipiu Manufahi.

Read More

Komisariu CAC Sergio Hornai Simu Konvite Formasaun ba EAK husi Reprezentante Embaxada EUA nian iha TL

Komisariu Comissão Anti-Corrupção (CAC) Dr Sergio Hornai Segunda-feira (21/11) ne’e simu Fausto de Guzman nudar Chefe Political Economic and Consular Section husi Embaxada Estadus Unidus America (EUA) nian iha Timor-Leste. Sorumutu halao iha ninian servisu fatin CAC Farol Dili.

Objetivu sorumutu dader ne’e, Senhor De Guzman aprezenta konvite Embaxada EUA nian mai iha Komisariu Sergio atu prepara investigador nain ne’en (6) atu ba tuir formasaun kona-ba formasaun tekniku investigasaun iha Bangkok Tailandia iha tinan 2023.

Read More

Komisariu CAC Sergio Hornai Halao Sorumutu Kortezia ho Ambassador no Jaksa Senior KPK Indonesia

Komisariu Comissão Anti-Corrupção (CAC) Dr Sergio Hornai halao sorumutu kortezia ida ho Ambassador Republika Indonesia nian mai Timor-Leste Okto Dorinus Manik akompanha hosi Jaksa Senior Indonesia destaka iha Komisi Pemberantasan Korupsi (KPK) Ariawan Agustiantono Domingo (20/11) ne’e iha Embaxada Indonesia Palapaso Dili.

Obetivu principal husi sorumutu kortezia ida ne’e atu hametin lasu amizade entre Ambassador Republika Indonesia nian mai TL ho CAC no uza oportunidade ne’e ambassador introdus Jaksa Penuntut Senior iha KPK Indonesia ne’ebé oras ne’e halao hela vizita ofisial mai Dili.

Read More

CAC Kontinua Rejista Ajénte Munisipál Sira Nia Rikusoin iha Munisipiu Rai Ikun

Ekipa Responsavel Rejistu Deklarasaun Rendimentu, Bens no Interese (DRBI) na’in neen durante semana ida hala’o vizita ofisiál iha munisipiu rai ikun hodi partilla sistema plataforma online deklarasaun rikusoin nian no kontinua rejista ajénte públiku sira nia deklarasaun rikusoin iha munsipiu Bobonaro no Covalima.

Ekipa DRBI nia servisu ofisiál iha rai ikun ne’e, fahe ba munisipiu rua diferente. Na’in haat rejista ajénte munisipál (deklarante) sira nia rikusoin iha munisipiu Covalima no na’in rua responsavel iha munisipiu Bobonaro.

Read More

Komisariu Sergio Ensera Formasaun Financial Investigation Corruption husi UNODC ba Investigador CAC 

Komisariu Comissão Anti-Corrupção (CAC) Sergio Hornai Sesta-feira (18/11) ne’e ofisialmente ensera formasaun Financial Investigation (Corruption) Workshop ne’ebé oferese husi United Nations Office on Drugs and Crime (UNODC) ba investigador CAC nian durante semana ida iha Salaun Maubara Timor Plaza Dili.

Komisariu Sergio iha ninian intervensaun elojia formador Chris Douglas UNODC nian kona-ba etika, disiplina, lideransa, jestaun, pursedimentu, taktika, paixaun, no koezaun servisu kolektiva iha instituisaun.

Read More

CAC Hahú Fó Formasaun ba EAC Estajiariu Durante Tinan Ida

Comissão Anti-Corrupção (CAC) Tersa-feira (8/11) ne’e ofisialmente hahú fó formasaun ba Especialista Anti-Corrupçao (EAC) foun hamutuk nain 24 iha edifisiu Sentral CAC Farol Dili no loke husi Komisariu CAC Sergio Hornai. Formasaun sei halao lor-loron durante tinan ida no sei termina iha fulan Novembro 2023.

Formador ba formasaun ne’e mai husi asesor internasionál, asesor nasionál no Komisariu Adjunto sira. Hafoin formasaun, Komisaun sei halo avaliasaun ba formandus sira ninian komportamentu, partisipasaun disiplina hodi ofiisializa formandus na’in 24 ne’e sai EAC permanente iha CAC.

Komisariu Sergio Hornai iha ninian intervensaun ba formandus sira hateten formasaun ida ne’e ejiji formandus sira ninian kualifikasaun aas, intendementu ba materias sira aas atu hala’o knaar ho objetividade, legalidade nune’e bele oferese justisa formál ho kualidade di’ak ba povu no nasaun doben Timor-Leste.

Read More