Komisariu Sergio Halao Sorumutu ho PDHJ

Iha loron Kinta-feira (7/7) dader ne’e, Komisariu Comissão Anti-Corrupção (CAC) Sergio Hornai akompanha husi Komisaru Adjunto ba Asuntu Prevensaun no Sensibilizasaun Luis de Oliveira Sampaio halao sorumutu ho Provedor Direitus HUmanus no Justisa Regiao Administrativa Especial Oe-Cusse Ambeno (RAEOA) Paulo Ribeiro.

KOmisariu Sergio hateten vizita bai ha PDHJ ne’e atu hametin lasu kooperasaun no kooordenasaun servisu entre instituisaun rua ne’e bazeia ba akordu entre instituisaun hat (4) iha akordu Quadrilateral; CAC, PDHJ, PNTL no IGE ne’ebé asina iha no implementa ona iha tinan hirak nian laran.

Prezensa Komisariu CAC Sergio ho komitiva iha RAEOA espesialmente iha edifisiu rejional PDHJ nian iha Pante Makassar atu enkoraja malu hodi servi povu no nasaun iha area boa-governasaun no luta kolektiva kontra korrupsaun.

Komisariu Sergio Hornai esplika ba Diretor PDHJ rejiaun RAEOA kona-ba objetivu prinsipal vizita official delegasaun CAC nian iha RAEOA durante semana ida.

CAC mai iha RAEOA bazeia ba Lei Nu. 8/2010 15 de Julhu hodi fo poder ba CAC atu haklaken informasaun Lei Nu. 7/2020 – Medidas Prevensaun no Kombate Korrupsaun (MPCC) ba iha autoridade no jerente RAEOA nian focus iha Deklarasaun Rendimentu Bens no Intereses (DRBI) hodi nune’e bele deklara rikusoi ho loloos.

Komisariu CAC Sergio mos espresa alegria bele mai vizita edifisiu rejional PDHJ nian iha RAEOA no bele hasoru malu direta ho servidor povu sira hodi hametin liu tan Espiritu boa-governasaun no defende direitus povu nian.

Espera PDHJ bele akompanha lalaok governasaun no kontinua defende nafatin direitus fundamental povu RAEOA nian nudar nain ba rai Oecusse hodi goja independensia la ho violasaun direitus humanu.

Vizita ida ne’e bele motiva PDHJ kontinua defende povu nafatin nian direitu atu Estadu la kruel iha ninian governasaun hasoru povu rasik.

“Espera PDHJ bele kontinua fo hanoin no akonsela ukun nain sira iha RAEOA atu avita viola direitu fundamental povu Atoni nian,” Katak Komisariu Sergio.

Durante sorumutu, staff PDHJ foti asuntu servidor povu assume kargu chefia sira iha utilizasaun kareta Estadu nian ne’ebé sei kontinua uza kareta plat G maske simu ona subsidiu ba transporte tuir Rezolusaun Governu Nu. 130/2021 29 Setembru iha RAEOA. (*)

Permanent link to this article: https://cac.tl/2022/07/komisariu-sergio-halao-sorumutu-ho-pdhj/