Média Halo Parte Importante iha Luta Sagradu Kontra Korrupsaun Hamutuk ho CAC

Farol – Comissão Anti-Corrupção (CAC) hahú hala’o ninian operasaun nu’udar ajénsia Anti-Korrupsaun reprezenta Estadu Timor-Leste iha Fevereiru Tinan 2010 ho Lei Nú. 8/2009 de Jullhu sempre tau importánsia média iha fatin espesiál iha luta prevene no kombate korrupsaun iha rai doben Timor-Leste (TL).

Primeiru Mandatu Komisariu CAC Adérito de Jesus Soares ho Komisariu Adjuntu na’in rua; José “Sama-Larua” Neves no Manuel Bucar Corte-Real bainhira hahú servisu sagradu ida ne’e mai ho vizaun “Timor-Leste Estadu direitu demokrátiku ida ho kultura rejeisaun korrupsaun ida mak forte ba interese no prosperiedade povu nian” no ho misaun “Kombate korrupsaun liu husi dalan prevensaun, edukasaun no investigasaun”.

Iha hala’o misaun CAC durante tinan 12 nian laran, mandatu Komisariu nian troka ona ba Dala Tolu; Primeiru Mandatu Adérito Soares, Segundu Mandatu Adérito Pinto Tilman no Terseira Mandatu Sergio Hornai, média halo parte importante iha luta sagradu kontra korrupsaun.

Tantu asaun represivu krime korrupsaun no medida sira sensibilizasaun no prevensaun korrupsaun ne’ebé CAC halo durante tinan 12 iha teritoriu Timor laran tomak, média sempre iha ninian fatin espesial. Média sai ibun no tilun mós iha aktividades no programa CAC nian.

Hafoin tinan 10 halao misaun no vizaun CAC nian ho diak, Parlamentu Nasional (PN) aprova tan lei foun Lei Nu. 7/2020 Medidas Prevensaun no KOmbate Korrupsaun (MPCC), CAC kontinua tau importansia ba kontribuisaun média nian nian iha luta kontra korrupsaun. Média kontinua envolve aktivamente envolve média hodi habelar informasaun kona-ba aktividades no servisu CAC nian.

Média konekta servisu Espesialista Anti-Korrupsaun (EAC) nian ba povu iha luta kontra korrupsaun. Média aktivamente halo kobertura ba aktividades no programas CAC hahu inisiu too mmomentu ida ne’e hodi kanaliza informasaun kona-ba programa prevensaun korrupsaun ba komunidade Timorense.

Alemde média halao kobertura ba aktividades CAC nian, sai mós parseiru importante hodi kanaliza CAC bai ha ninian parseirus sira; Orgaun Soberanu, partidus politiku, ONG, servidor povu iha linhas ministeriais, PNTL, F-FDTL, konfisoens relijiosas, lider komunitariu iha teritoriu TL tomak no importante liu kanaliza média hato’o informasaun aktividades CAC nian ba iha juventude futuru nasaun doben TL nian.

Joven sira sai alvu importante iha luta prevene no kombate korrupsaun iha ajenda CAC nian. CAC bainhira hala’o aktividade sira sensibilizasaun no prevensaun korrupsaun sempre tau fatin imprtante ba média hodi habelar informasaun ba iha juventude, estudante no universitariu sira nu’udar futuru lideransa nasionál.

Senior Management CAC ho ninian politika brilliante kontinua envolve servisu nain professionál média nian hodi transmite informasaun importante ba iha povu Timorense kona-ba programa no aktividades CAC nian.

Iha Terseira Mandatu Komisariu CAC nian’ Komisariu Sergio Hornai, Komisariu Adjuntu nain tolu; Alexandre Freitas, Augusto Castro no Luis Sampaio sempre konsidera di’ak papel jornalista no média sai parseiru importante.

No odamatan uma povu nian iha Farol CAC sei kontinua nakloke ba média iha kualker momentu ba jornalista sira atu halo kobertura no oferese informasaun adekuada ba povu no nasaun doben TL kona-ba esforsu luta kolektiva povu Timorense nian kontra korrupsaun.

Terseira Mandatu Komisariu CAC nian lidera husi Dr. Sergio Hornai sei afirma komitmentu povu Timor-Leste nian iha luta kontra korrupsaun hodi sura nafatin papel importante média nian hamutuk ho parseiru dezenvolvimentu sira; Embaxada Estadu Unidus Amerika (EUA) no nian mai Timor-Leste, Embaixada Australia nian. Sempre konta mós kobtribuisaun signifikativu programa ajudu ajénsia internasionál nian; USAID, JICA, KOICA no UNDP iha Luta Sagradu Kontra Korrupsaun Hamutuk ho CAC. (*)

Permanent link to this article: https://cac.tl/2022/04/media-halo-parte-importante-iha-luta-sagradu-kontra-korrupsaun-hamutuk-ho-cac/