Komisariu Sergio Hala’o Sorumutu Kortezia ho Defensoria Públiku no Komandante PNTL Munisipiu Baucau

Baucau – Komisariu Comissão Anti Corrupção (CAC) Dr. Sergio Hornai Sexta-feira (1/10) semana ne hala’o vizita kortezia ba iha edifisiu Defensór Pùbliku no Komando Polisia Nasionál Timor-Leste (PNTL) iha Munisipiu Baucau.

Objetivu vizita kortezia Komisariu Sergio nian ne’e atu hametin no haforsa liu-tan koordenasaun servisu instituisaun Estadu nian iha prosesu konstrusaun Estadu iha parte justisa nian.

Liu husi sorumutu kortezia ne’e komisariu Sergio Hornai kongratula servisu Defesoria Públika no sei partilla informasaun hamutuk ho Defensoria Públika Baucau kona-ba lei Nú 7/2020 – Medida Prevenção Combate Corrupção (MPCC).

“Lei Nú 7/2020 kona-ba Medida Prevenção Combate Corrupção (MPCC) nian iha tempu ruma ha’u hakarak mai partilla hamutuk ho imi hodi troka idea ba malu. Liu-liu iha medida disposizaun jerál, medida deklarasaun rendimentu no medida kriminalizasaun nian” Komisario Hornai sublinha.

Komisariu Sergio troka impresaun ho Defensor Públiku Munisipiu Baucau kona-ba konflitu interese, iha ne’ebé bele dada ofisiais Defensór Públiku nian monu ba tentasaun hodi obriga lei kriminaliza aktus irregularidade ida ne’e.

Buka atu hasees fo’er sira husi ita nia matan,” Katak Komisariu Sergio iha sorumutu ho Defensor Públiku sira.

Alem de hala’o sorumutu ho Defensoria Munisipiu Baucau, Komisariu Sergio aproveita mós tempu vizita no hala’o sorumutu kortezia ho Komandante PNTL Munisipiu Baucau Armando Monteiro.

Iha sorumutu ne’e, Komisariu Sergio Hornai espresa ninian satisfasaun, orgullu ba komandante Armando iha ne’ebé sempre iha kolaborasaun di’ak ho koordenasaun servisu metin ho CAC bainhira ekipa prevensaun investigasaun CAC hala’o servisu Komisaun nian iha Munisipiu Baucau.

Orgullu no satisfas ba kolaborasaun di’ak, firme ho liña koordenasaun ne’ebé metin iha ita ninian servisu hotu ho kuidadozu iha prosesu atendimentu sira, nune’e bele serví di’ak liu tan sosiedade,” Tenik Komisariu Sergio. (*)

Permanent link to this article: https://cac.tl/2022/04/komisariu-sergio-halao-sorumutu-kortezia-ho-defensoria-publiku-no-komandante-pntl-munisipiu-baucau/