Fó Formasaun ba Dirijente EAK, Komisariu Sergio Agradese Embaixadór Portugal, UE no Ajénsia Internasionál nian Tulun

Pouzada Baucau – Komisariu Comissão Anti Corrupção (CAC) Dr. Sergio Hornai Sexta-feira (1/10) semana ne’e hato’o agradesimentu ba Embaxador Portugal mai Timor-Leste, Uniaun Europea no ajénsia internasionál sira eventu enseramentu kursu jestaun ba dirijentes sira iha CAC, Policia Cientifica se Investigacao Criminal (PCIC) no Inspector Geral Estado (IGE) durante loron tolu (3) iha Pouzada Baucau.

Serimonia Enseramentu treinamentu fasilita husi Institutu Camoes TL ne’e partisipa husi Embaixadór Portugál mai TL Dr. José Pedro Machado Vieira, Embaixadór U E Dr. Andrew Jacobs, reprezentante PCIC no Ajénsia Internasionál sira.

Komisariu Sergio Hornai iha ninia intervensaun lori CAC nian naran agradese ba Embaixadór Portugal, Uniaun Europeia, ne’ebé sempre hatudu sira ninian prontidaun hodi apóia TL nia instituisaun; CAC, PCIC, IGE no Orgaun Espesiál Judisiál, Prokuradór, Advogadu, Defesór Públiku no Ofisiais Justisa sira.

Ohin ita nia embaixador Portugal, Emabixador Uniaun Europeia hamutuk ho ita ho Ajénsia Internasionál sira, presta sira nia servisu mai ita hakarak finalidade ida hodi hametin iha ita nia instituisaun ne’ebé kapaas, kualidade, koñese no halo artikulasaun ba servisu sira hodi asegura legalidade, objetividade iha ita nia servisu”, Katak Komisariu Sergio iha nia intervensaun.

Ba formandu sira, komisariu Sergio Hornai husu atu bele uza oportunidade ida ne’e hodi bele partilla no koñese sientifika malu. Presiza nafatin aperfeisiona para bele iha koñesimentu kona-ba jestaun iha lideransa, finsansas, no kontrolu sira iha orsamentu jerál estadu no mós doasaun mai husi parseiru sira.

Objetivu prinsipál mak ita hotu simu respoinsabilidade, atribuisaun kompeténsia, tuir natureza, tuir kompeténsia atu halo servisu hirak kapaas para bele garante estadu direitu demkratiku. Povu fó hela desezu boot ida ba ita, esperansa boot ba Espesialista Anti Korrupsaun bele halo artikulasaun, oinsá mak bele iha koñesimentu, para bele hamriik iha filleira oin hodi halo medidas sira ba prevensaun, no mós ba iha kombate kriminalidade korrupsaun liu husi medida represivu. Hirak ne’e hotu lori mai ita responsabilidade ne’ebé tenke priense”, Komisariu Sergio hatutan.

Iha oportunidade ne’e Komisariu Sergio hatoo parabens ba formandu sira ne’ebé aproveita oportunidade formasaun importante hodi haklean konhesimentu.

“Esperansa boot ba oin sei iha kooperasaun di’ak ho instituisaun hotu atu halo prozesaun ba formasaun sira ne’ebé di’ak liu iha futuru,” Afirma Komisariu Sergio. (*)

Permanent link to this article: https://cac.tl/2022/04/fo-formasaun-ba-dirijente-eak-komisariu-sergio-agradese-embaixador-portugal-ue-no-ajensia-internasional-nian-tulun/