Ekipa Tékniku TIC no CAC Diskute Rezultadu Survey Infraestrutura IT CAC iha Farol

Farol- Ekipa Tékniku Teknolojia Informasaun no Komunikasaun (TIC) Timor, IP Kinta-Feira (17/3) ohin aprezenta rezultadu assessment Infraestrutura Informasaun no Teknologia (IT) CAC nian mai Komisariu Adjuntu Prevensaun no Sensibilizasaun no halo diskusaun hamutuk ho ekipa tékniku CAC nian iha Salaun Enkontru CAC Farol Dili.

Aprezentasaun rezultadu assesment ba dezenvolvimentu Infraestrutura IT CAC ne’e lidera husi Diretór Nasionál Infraestrutura TIC TIMOR IP ne’ebé aprezenta mai ekipa CAC kona-ba dezeñu instalasaun Serve CAC nian.

Diskusaun refere, parte rua ko’alia mós kona-ba proposta ba materiál ka ekipamentu Serve CAC, Servisu balun ne’ebé liga ho konfidensialidade ba sistema Deklarasaun Rendimentu Bens no Interese (DRBI) nian, no diskusaun kona-ba asinatura Service Level Agreement (SLA).

Komisariu Adjuntu Luis Sampaio hafoin aprezentasaun no diskusaun ne’e hato’o apresiasaun ba ekipa tékniku husi parte TIC ne’ebé koopera di’ak ho CAC hodi apóiu nafatin CAC iha dezenvolvimentu infraestrutura CAC nian no manifesta TIC nia prontidaun iha servisu interese Estadu nian.

Partisipa iha sorumutu ne’e Komisariu Adjuntu Prevensaun no Sensibilizasaun (PS) Luis de Oliveira Sampaio no estrutira Espesialista Anti-Korrupsaun (EAC) iha Diresaun Servisu Apoiu Kooperasaun (DSAK) no Diresaun PS. (*)

Permanent link to this article: https://cac.tl/2022/04/ekipa-tekniku-tic-no-cac-diskute-rezultadu-survey-infraestrutura-it-cac-iha-farol/