Ekipa Juri Hahú Halo Selesaun Dokumentus ba Vaga EAK Foun 2021

Faról– Ekipa Juri Rekrutamentu Espesialista Anti Corrupção (EAK) foun lideradu Prezidente Juri Luis Ersio Ximenes Guterres segunda-feira (4/10) ohin hahu halao servisu prosesu selesaun dokumentu iha salaun reuniaun CAC Farol Dili.

Ekipa juri ba loron Dahuluk nian mai husi reprezentante Policia Ciêntifica Investigação Criminal (PCIC), Ministériu Saude (MS) no EAK-CAC rasik iha ne’ebé hahú ho selesaun dokumentus ba vaga área Saude ho Nú. Reff. CPI/01/2021.

Totál aplikante ba vaga ne’e hamutuk 85 iha ne’ebe ekipa juri asiste husi EAK Informasaun Teknolojia (IT) Komisaun nian ho kuidadozu ta’is efetivamentu aplikante sira ninian dokumentus ida-pur-ida tuir kritéria ne’ebé mak estabelese ona iha sistema husi Komisaun.

Tuir oráriu estabelese ona, loron Daruak Tersa-feira (5/10) nian, ekipa juri sei halo selesaun dokumentus ba vaga Ekonomia, Jestaun Finanseira, Kontabilidade no Impostu ho totál 955 aplikantes ne’ebé sei hala’o durante loron lima (5). (*)

Permanent link to this article: https://cac.tl/2022/04/ekipa-juri-hahu-halo-selesaun-dokumentus-ba-vaga-eak-foun-2021/