Senior Management CAC Halao Sorumutu ho Embaixador UE Andrew

Dili – Iha loron Tersa-feira (2/3) ohin, Komisariu Comissão Anti-Corrupção (CAC) Dr. Sergio Hornai akopanha husi Komiariu Adjunto ba Asuntu Servisu Apoiu Kooperasaun (SAK) Dr. Alexandre Freitas, Komisariu Adjunto ba Asuntu Invstigasaun Kriminal, Diretor Geral SAK Dr. Carlos Bento Maubere no Diretor Kooperasaun Internasional Dr. João Correia do Rosário halao sorumutu kortezia ida ho Embaixador Eniaun Europeu (UE) mai timor-leste Andrew Jacobs iha Salaun Sorumutu Farol Dili.

Sorumutu kortezia iha atmosfera nakonu ho fraternidade ne’e parte rua koalia kona-ba kontinuasaun servisu diak entre CAC ho Misaun UE nian mai Timor-Leste iha programa prioridade luta kontra korrupsaun. Parte rua mos deskuti kona-ba asistensia tekniku EU nian mai iha CAC, kooperasaun dezenvolvimentu instituisional no hametin boa-governasaun.

Komisariu esplika ba Senhor Embaixador Andrew kona-ba CAC nian servisu hanesan orgaun polisia espesializada atu asegura transparansia no akuntabilidade ba implementasaun orsamentu jeral estadu ba povu no nasaun nian diak.

Iha sorumutu ne’e Komisariu Sergio espresa Komisaun ninian politika nakloke-an hodi halo kooperasaun ho instituisaun EU iha programa tinan lima (5) nian Planu Estratejiku Comissão Anti-Corrupção- PECAC Perioudu 2021-202. PECAC ne’e atu dia Komisaun hodi melhora diak liu tan politika fortalesimentu boa-governasaun no asesu justisa ba sidadaun Timorense hotu nudar programa propriu Komisaun nian ba tinan lima ba oin.

Iha oportunidade furak ida ne’e, Embaixador Andrew espresa ninian prontidaun atu kontinua servisu hamutuk governu no Estadu Timor-Leste programa prioridade misaun EU nian mai Timor-Leste mak atu kontinua servisu hamutuk ho Komisaun iha area boa-governasaun ka anti-korrupsaun no ho Estadu iha diversifikasaun ekonomiku ka rekoperasaun ekonomia.

Iha sorumutu ida ne’e Embaixador DA UE Andrew akompanha husi Senhora Dorthe Wacker nudar Primeiro Conselheiro – Assuntos Políticos Delegasaun UE nian iha TL. (*)

Permanent link to this article: https://cac.tl/2021/03/alta-gestao-cac-halao-sorumutu-ho-embaixador-eu-andrew/

Home
Account
Cart
Search