Featured Stories

CCC Vasconselos “Sura ho Ami, Ami Prontu Kolabora ho CAC”

by

Dili – Chefe Casa Civil (CCC) Dr. Francisco Vasconselo hateten Gabineti Prezidensia Republika ne’ebé nia lidera iha Mandatu Nai Prezidenti Republika Dr. Francisco Guterres Lu-Olo nian prontu kolabora diak ho Comissão Anti-Corrupção CAC) iha implementasaun Lei Nu. 7/2020 26 de Augosto – Medidas Prevensaun no Kombate Korrupsaun (MPCC) ne’ebé sei hahu implementa iha loron 22 Fulan Fevereiru.

CCC Vasconselo hatoo afirmasaun ne’e wainhira ofisialmente loke workshop loron ida diseminasaun lei MPCC ba kargu chefia sira iha Gabineti Prezidensia Republika Kinta-Feira (11/2) ohin iha Salaun China Palasiu Prezidenti Nicolau Lobato Aitarak Laran Dili.

“Ami prontu koopera ho CAC, sura ho ami iha (luta prevene no) kombate korrupsaun iha ita nian rai Timor-Leste. Tamba, korrupsaun mak inimigu boot dezenvolvimentu iha ita nian rai,” Promete CCC Vasconselo iha ninian intervensaun.

CCC Vascolselo hatutan teni, prevene no kombate korrupsaun iha nasaun joven Timor-Leste Timoroan sira ninian responsabilidade. Nai Przeidenti Republika Dr. Francisco GUterres Lu-Olo promulga lei MPCC no Gabineti Prezidensia pronto atu kumpri lei ne’e hodi hahu implementa.

CCC Vasconselo mos husu ba staff sira iha Gabinete Prezidensia nian atu deklara rikusoi ho honestidade no hatudu ba povu Timor-Leste katak Prezidenti Republika promulga lei MPCC no Gabineti pronto iha primeira linha atu implementa lei ne’e.

“Oinsa atu halo deklarasaun (rikusoi)? Iha deklarasaun ne’e tenki hatudu honestidade. Kuandu iha deklarasaun mak (la honestu), kuandu CAC komesa tuir-tuir hanesan asu oan nurak tuir ita deklara rikusoi mak ita foin… eipa buat uluk (sei assume kargu) halo ladiak ne’e mak keta bolu ona hau karik?,” CCC Vasconselo ilustra iha ninian intervensaun. (*)

Previous postDisemina Lei MPCC, CAC La Hanourin Funsionariu Estadu Hanesan Professor no Instructor Next postAmo Gui “Fiar ba Misaun EAK Halo no Sai Sasin ba Misaun CAC”

Popular

CCC Vasconselos “Sura ho Ami, Ami Prontu Kolabora ho CAC”