Featured Stories

CAC Akompanha Implementasaun Programa Sesta Bazika Hahu Inisiu ho Pro-Aktivu

by

Dili – Senior Management Comissão Anti-Corrupção (CAC); Komisariu Dr. Sergio Hornai, Komisariu Adjunto ba Investigasaun Kriminal Dr. Augusto Castro no Komisariu Adjunto Prevensaun no Sensibilizasaun Dr. Luis Sampaio informa ba Komisaun A Parlamentu Nasional katak Komisaun akompanha implementasaun Dekretu Lei Nu. 48/2020 sobre Sesta Bazika iha Sala Konferensia PN nian iha Uma Fukun Parlamentu Nasional Dili Iha loron Sesta-feira (13/11) semana kotuk.

Komisariu Dr. Sergio Hornai ho ninian Komisariu Adjuntu sira informa ba Prezidenti Komisaun A PN Dr. Joaquim dos Santos Boraluli katak CAC akompanha implementasaun programa ida ne’e hahu iha abertura (Sesta Bazika) iha Hera Metinaro ba too iha Palaka Balibo Munisipiu Bobonaro.

“Dadus lubuk oan ida iha ita (CAC) nian liman ona. Servisu programa ne’ebé halao hela iha Palaka Balibo mos CAC halao hela akompanhamentu no la kleur tan ita (CAC) halo akompanhamentu ba iha prosesu sira ne’e para halo tuir Dekretu Lei Nu. 48/2020,” Informa KOmisariu CAC Sergio ba iha Komisaun A PN.

Akompanhamentu ne’ebé CAC halao hela ho pro-aktivu nne’e wainhira iha implementasaun mak akontese desviua ruma, la taka dalan atu CAC haloprosesu investigasaun criminal bazeia ba faktus no provas ne’ebe oras ne’e Espesialista Anti-Korrupsaun (EAK) rekolha namanas.

“Dezvius bele responsabiliza ho individu no mos kolektivu ho ninian sirkumstansia sira ita hetan husi faktus, husi provas no oinsa mak ita bele kualifika e lori sasan sira ne’e ba iha Ministeriu Publiku nudar titular aksaun penal,” Komisariu Sergio sublinha.

Komisariu Adjunto ba Asuntu Investigasaun Kriminal Dr. Agosto Castro informa ba Komisaun A PN katak akompanhamentu ba Programa Sesta Bazika ne’e servisu investigasaun criminal CAC nian halao hela servisu averiguasaun ba iha distribuisaun Sesta Bazika.

“Informasaun sira ne’ebé ita nian Unidade Informasaun Seguransa (UIS) rekolha ona sei analisa. Analisa informasaun ami (servisu sekreta) rekolha tiha ona ne’e sei halo analisa klean hahu husi prosedimentu, prosesu aprovizionamentu nian too ba iha distribuisaun ba iha komunidade sira.

CAC totalmente akompanha ida ne’e hahu kedas husi inisiu too mai agora iha prosesu distribuisaun hamutuk ho PDHJ, Sosiedade Civil no Komunikasaun Sosial sira. (*) 

Previous postSenior Management CAC Aprezenta Proposta Addiosional OGE 2021 nian ba Komisaun A PN Next postTinan 2021, CAC Sei iha Kareta Celula Rasik

Popular

CAC Akompanha Implementasaun Programa Sesta Bazika Hahu Inisiu ho Pro-Aktivu