REKAPITULASAUN PROSESU IHA TINAN 2015

Bazeia ba Komisaun nia kompetensia tuir art. 5 lei no 8/2009 de Julho, Komisaun Anti-Korrupsaun (CAC) simu delegasaun kompetensia husi Ministeriu Públiku hamutuk prosesu 22 iha 2015. Husi prosesu 22 ne’e, prosesu 20 mak delega husi juridisaun Gabinete Kombate Korrupsaun iha Ministeriu Públiku, prosesu 1 husi PDDIL no prosesu 1 husi PDBAU.

Husi prosesu 22 ne’e, prosesu ne’ebé konklui ona (relatoriu final) hamutuk 14 no prosesu 8 seluk sei iha hela faze investigasaun.

Iha tinan 2015, Komisaun Anti-Korrupsaun (CAC) mós konklui ona (relatoriu final) ba 21 kazu ne’ebé pendente husi tinan 2014. Kazu pendente husi tinan 2014 ne’e kompostu husi prosesu 14 husi juridisaun PDDIL no prosesu 7 husi juridisaun PDBAU. Total kazu konklui (relatoriu final) ba tinan 2014-2015 hamutuk 35.

Tipu krime korrupsaun ne’ebé komete mak hanesan kazu 15 mak abuzu poder, kazu 13 pekulatu, kazu 5 mak partisipasun ekonomia iha negosiu, kazu 3 mak korrupsaun passiva aktu ilicitu no kazu 1 mak pekulatu de uzu.

Tipu krime koneksas ne’ebé komete mak hanesan kazu 4 mak falsifikasaun dokumentu, kazu 3 mak administrasaun danosa, kazu 1 mak fraude fiscal no kazu 1 mak administrasaun neglijente.

Husi prosesu 35 ne’ebé konklui ona iha tinan 2014-2015 involve arguidu hamutuk 102 (Feto: 8 no Mane 94) no testemunha hamutuk 507 (Feto: 64 no Mane 443).

Komisaun Anti-Korrupsaun (CAC) mós simu denunsia ou keixa husi públiku iha forma oin-oin hamutuk 27 keixa. Atuasaun ne’ebé Komisaun Anti-Korrupsaun (CAC) foti ba denunsia ou keixa hirak mak halo auto partisipasaun ba keixa 3, averiguasaun ou kompleta informasaun no dokumentus ba keixa 7, keixa 8 la tama iha kompetensia CAC, refere ka haruka keixa 2 ba instituisaun relevante no keixa 5 iha prosesu despaisu . (*)

Permanent link to this article: https://cac.tl/2016/01/rekapitulasaun-prosesu-iha-tinan-2015/