Dili, 1/06/2012–Komisáriu Komisarun Anti-Korrupsaun (CAC) Adérito de Jesus Soares, tuir kalendáriu sei partisipa konferensia nebe organiza husi Banku Mundial nia organizasaun aliansa naran the International Corruption Hunters Alliance (ICHA) iha Washington DC, Estadus Unidus Amerika husi loron 5-6 fulan Junhu 2012. Partisipasaun Komisáriu CAC iha konferensia ne’e hanesan bainaka reprezenta nasaun Timor Leste.
Eventu internasional ne’e sei halibur ofisiais senior orgaun investigasaun ba korrupsaun, autoridade prokurador no organizasaun internasional husi nasaun hamutuk atus ida resin ho objektivu prinsipal atu demonstra no halo diskusaun kona ba progresu ne’ebe Aliansa ICHA identifika ona iha nia konferensia tinan 2010 no atu avansa ajenda oinsa funu hasoru korrupsaun globalmente liu husi inovasaun teknolojia. Iha eventu neé Komisaun Organizadora konvida Komisáriu CAC atu sai mos nudar panelista iha sesaun konferensia ne’e iha parte fahe esperiensia ka information sharing konaba suksesu ruma no estratejias hodi infrenta dezafiu sira iha esforsu luta hasoru korrupsaun internasional. Iha ne’e, Komisáriu CAC sei fahe esperiensia ho tópiku konaba estratejias no dezafius nebe enfrenta iha prosesu hari instituisaun CAC hodi kombate korrupsaun iha Timor-Leste.
Konferensia ICHA nian iha tinan 2010, membrus ICHA sira hakotu lia halo aksaun prioridade atu aumenta medidas kriminal hasoru korruptu sira; buka tuir ezizensia multi-jurisdiksaun; buka tuir no lori hikas riku soi ne’ebe hetan illegalmente; prepara pasus efektivu no informasaun atu prevene no ataka korrupsaun, halo monitorizasaun nomos relata rezultadu investigasaun.
Tuir kalendáriu, Komisáriu CAC sei fila hikas mai Timor-Leste iha loron 12 fulan Junhu 2012 hafoin partisipa formasaun durante loron rua, husi loron 7-8 nebe organiza konjunta entre George Washington University Law School no Stolen Asset Recovery (StAR) Initiative.
Related
- “Universitariu UNPAZ Tenki Sente Sai Nain ba Estadu TL no Kontribui iha Luta Kontra Korrupsaun” Adjunto Luis
- Diskursu Kompletu Komisariu CAC Dr. Sergio Hornai iha Selebrasaun Decimo Primeiro Anniversario CAC nian iha Auditoriu Kay Rala Xanana Ministeriu Finansas Ai-Tarak Laran Dili iha loron 22 Fevereiru 2021
- Komemora Decimo Primeiro Aniversario, CAC Ofisialmente Lansa Deklarasaun Rikusoi
- Amo Gui “Fiar ba Misaun EAK Halo no Sai Sasin ba Misaun CAC”
- CCC Vasconselos “Sura ho Ami, Ami Prontu Kolabora ho CAC”
- Disemina Lei MPCC, CAC La Hanourin Funsionariu Estadu Hanesan Professor no Instructor