CAC Rekruta Staff Foun

Fulan ida ne’e no fuluan Abril mai ne’e, Komisaun Anti-Korrupsaun tuir kalendariu sei rekruta tan staff investigasaun lima, ofisiais ba media no komunikasaun rua, administrasaun ida no asistensia tekniku ida. Prosesu rekrutamentu staff foun ne’e iha Komisaun nian Diresaun Rekursu Umanus nian responsabilidade.

Semana kotuk, hamutuk kandidatus na’in 41 nebe liu prosesu selesaun primeiru ba posto investigasaun nian maka tuir ezame eskrita. Ezame eskrita ne’e Unidade Rekursu Umanus no Unidade Investigasaun maka superviziona. Interevista verbal sei tuir hafoin ezame esktrita ba sira nebe hetan valor aas. Prosesu rekrutamentu ba media no komunikasaun no administrasaun sei halo kompleta semana ida ne’e. Iha espeitativa katak kandidatus nebe  maka manan sei hahu sira nia funsaun iha prinsipiu fulan Abril 2012.

Iha tempu oin mai, Komisaun sei rekruta tan staff foun. Komisaun iha planu atu rekruta to’o ema hamutuk 85. Oras ne’e CAC iha staff nasional hamutuk staff na’in 45.

Permanent link to this article: https://cac.tl/2012/03/cac-rekruta-staff-foun-2/

Home
Account
Cart
Search