Komisariu Comissão Anti-Corrupção (CAC) Dr. Sergio Hornai akompaña husi Xefe Unidade Kooperasaun João Correia iha Kuarta-Feira (13/7) ohin hala’o sorumutu ho delegasaun Uniaun Europeia (EU) Domenec Ruiz Devesa ho nia ekipa iha edifisiu CAC, Farol Dili.

Objetivu husi sorumutu ne’e Xefe Observadór UE nian Domenec Ruiz Devesa entrega relatóriu finál Misaun Observasaun Eleitorál- Timor-Leste (TL) Tinan 2022 mai Komisariu Sergio Hornai.

Komisariu Sergio Hornai iha oportunidade ne’e depozita nia agradesimentu wa’in ba Misaun UE iha TL ne’ebé kontribui másimu iha observasaun kampaña eleitorál durante ne’e iha eleisaun prezidensiál.

Komisariu Comissão Anti Corrupção (CAC) Dr. Sergio Hornai akompaña husi Xefe Unidade Kooperasaun João Correia iha Tersa-Feira (12/7) ohin partisipa reuniaun Komite Apóiu Comissão Interministeriál Koordenasaun Kadeia Valór no Estimulu Produsaun Lokál (CI-CCVEPL) iha Gabinete Primeiro Ministro Palacio Guverno.

Komité CI-CCVEPL konvida Komisariu Sergio partisipa iha reuniaun ida ne’e ho objetivu atu husu CAC nia hanoin no pareser ba prevene krime korrupsaun iha planu no programa komité nian.

Iha loron Kinta-feira (7/7) ne’e, Komisariu Comissão Anti-Corrupção (CAC) Sergio Hornai akompanha husi Komisaru Adjunto ba Asuntu Prevensaun no Sensibilizasaun Luis de Oliveira Sampaio no ekipa Espesialista Anti-Korrupsaun (EAK) halao viajen ba iha sub-rejiaun Nitibe no halao sorumutu ho estrutura autoridade sub-rejiaun Nitibe Regiao Administrativa Especial Oe-Cusse Ambeno (RAEOA) nian.

Sub-rejiaun Nitibe lidera husi jestor foun Teodoro Sila ne’ebe partisipa iha sorumutu nakonu ho amizade no fraternidade ne’e; reprezentante edukasaun (professor), Komandante Skuadra Polisia Nasional Timor-Leste (PNTL), SAS no Saude nian. Prezensa mos reprezentante husi Autoridade sentral RAEOA.

Ekipa Espesialista-Anti Korrupsaun (EAK) iha Diresaun Prevensaun no Sensibilizasaun (DPS) lideradu Diretór Rosario Araujo no Xefe Unidade Promosaun Valór no Integridade Leonilda Lobato durante semana ida (4-7/7) hala’o servisu ofisiál sensibilizasaun matéria krime korrupsaun ba Autoridade Postu-Administrativu, funsionáriu públiku no Estudante sira iha postu administrativu Cailaco, Bobonaro.

Programa sensibilizasaun mai postu administrativu Cailaco ne’e, Komisaun sensibiliza ba partisipante sira besik Atus lima resin (500 e tal) kona-ba valór no prinsipiu sira anti-korrupsaun nian no inklui ho lei nú 7/2020-Medida Prevensaun no Kombate Korrupsaun.