Komisariu CAC Sergio Hornai Simu Konvite Formasaun ba EAK husi Reprezentante Embaxada EUA nian iha TL

Komisariu Comissão Anti-Corrupção (CAC) Dr Sergio Hornai Segunda-feira (21/11) ne’e simu Fausto de Guzman nudar Chefe Political Economic and Consular Section husi Embaxada Estadus Unidus America (EUA) nian iha Timor-Leste. Sorumutu halao iha ninian servisu fatin CAC Farol Dili.

Objetivu sorumutu dader ne’e, Senhor De Guzman aprezenta konvite Embaxada EUA nian mai iha Komisariu Sergio atu prepara investigador nain ne’en (6) atu ba tuir formasaun kona-ba formasaun tekniku investigasaun iha Bangkok Tailandia iha tinan 2023.

Konvite ne’e mai tuir pedidu asistensia bazeia ba nesesidade CAC nian durante sorumutu lideransa parte rua nian iha pasadu.

Formasaun ba investigador CAC nian iha tinan 2023 ba iha ILEA Bangkok Thailandia mak formasaun tekniku investigasaun krimi finanseiru no kontabilidade forensic.

Programa formasaun ba investigador CAC nian tuir konvite ne’ebé Embaxada EUA nian iha Dili oferta sei kobre tiketi aviaun Dili Bangkok, osan transporte, akomodasaun, alimentasaun ba investigador durante formasaun semana ida.

EUA mos sei oferta mai iha CAC expert ida iha tinan 2023 durante fulan tolu (3) depende ba pedidu no nesesidade CAC nian iha area misaun CAC nian tuir Lei 7/2020 Medidas Prevensaun no Kombate Korrupsaun (MPCC) Prevensaun korrupsaun no investigasaun criminal. (*)

Permanent link to this article: http://cac.tl/2022/11/komisariu-cac-sergio-hornai-simu-konvite-formasaun-ba-eak-husi-reprezentante-embaxada-eua-nian-iha-tl/

Leave a Reply

Your email address will not be published.