Komisariu Sergio Halao Sorumutu ho Reprezentante Projetu PFMO

Iha loron Kinta-feira (14/7) ne’e, Komisariu Comissão Anti-Corrupção (CAC) Sergio Hornai akompanha husi Komisaru Adjunto ba Asuntu Investigasaun Kriminal Augosto Castro Estrutura Espesialista Anti-Korrupsaun (EAK) Diresaun Servisu Apoiu no Kooperasaun (DSAK) nian halao sorumutu ho reprezentante Projetu PFMO-C2 “OSAN POVU NIAN, JERE HO DI’AK” Hugo Lourenço iha Salaun Sorumutu CAC Farol Dili.

Sorumutu ida ne’e koalia kona-ba kontinuasaun kooperasaun entre Projetu PFMO nian ho instituisaun CAC nian ne’ebé halao tiha ona tinan hirak nian laran.

Rezultadu sorumutu loron ohin nian mak atu Projetu PFMO fo asistensia mai CAC iha area formasaun spesializada investigasaun criminal no prevensaun korrupsaun nian ho objetivu bele hametin prinsipiu boa-governasaun, inspeksaun, monitorizasaun transparansia, responsabilizasaun, auditoria, akuntabilidade no integridade iha Timor-Leste.

Projetu PFMO ida ne’e implementa iha TL ba instituisaun publiku; PN, linhas ministeriais, orgaun komunikasaun social, tribunal das contas no sosiedade civil sira iha ne’ebé benefisia ona Timor oan (servidor povu) sira hamutuk nain 2.450.

Projetu PFMO-C2 ne’e co-finansiadu husi UE no Instituisaun Camoes IP ho total orsamentu 12,5 miliaun Euro ekivalente $15,2 miliaun. (*)

Permanent link to this article: http://cac.tl/2022/07/komisariu-sergio-halao-sorumutu-ho-reprezentante-projetu-pfmo/