Komisariu CAC Sergio Hornai no Adjunto Augosto Halao Sorumutu Kortezia ho Diretora-Ezekutiva UIF Maria Sarmento

Komisariu Comissao Anti Corrupcao (CAC) Sergio Hornai akompanha husi Komisariu Ajunto ba Asuntu Investigasaun Kriminal Augosto Castro Tersa-feira (18/7) ohin halao sorumutu kortezia ida ho Diretora-Ezekutiva Unidade Informasaun Finanseira (UIF) Timor-Leste Maria de Jesus Sarmento iha Sala Gabineti Komisariu Farol Dili.

Objetivu prinsipal husi sorumutu kortezia ida ne’e atu hametin lasu amizade no linha koordenasaun servisu entre instituisaun Estadu rua (2) iha luta kolektiva Timoroan sira nian iha prevene no kombate kriminalidade korrupsaun nian.

UIF nudar unidade prinsipal ida iha Banco Sentral Timor-Leste ne’ebe halao servisu importante hodi kontrola kualker transaksaun finanseira iha rai no ba rai liur nian atu prevene aktu brankamentu kapital no finansiamentu terorizmu nune’e mos kriminalidade korrupsau ne’ebe sai ameasa transnasional.

Finalidade husi sorumutu kortezia ida ne’e atu hametin linha koordenasaun servisu diak ne’ebe durante instituisaun Estado rua formalizs no implementa ona iha MoU hodi enrikeza prosesu analiza informasaun finanseira ba pratika fase osan iha kontekstu nasional no internasional. (*)

Permanent link to this article: http://cac.tl/2022/07/komisariu-cac-sergio-hornai-no-adjunto-augosto-halao-sorumutu-kortezia-ho-diretora-ezekutiva-uif-maria-sarmento/