Komisariu CAC Sergio Hornai Fó Pareser ba CI-CCVEPL iha Prevene Korrupsaun

Komisariu Comissão Anti Corrupção (CAC) Dr. Sergio Hornai akompaña husi Xefe Unidade Kooperasaun João Correia iha Tersa-Feira (12/7) ohin partisipa reuniaun Komite Apóiu Comissão Interministeriál Koordenasaun Kadeia Valór no Estimulu Produsaun Lokál (CI-CCVEPL) iha Gabinete Primeiro Ministro Palacio Guverno.

Komité CI-CCVEPL konvida Komisariu Sergio partisipa iha reuniaun ida ne’e ho objetivu atu husu CAC nia hanoin no pareser ba prevene krime korrupsaun iha planu no programa komité nian.

Komite ida ne’e lidera husi Primeiro Ministro Taur Matan Ruak iha ámbitu hasa’e produsaun agrikola iha rai laran no asegura auto-sufisiénsia ai-han no nutrisaun ba dezenvolvimentu ida mais sustentavel no inkluzivu iha rai doben Timor-Leste. (*)

Permanent link to this article: http://cac.tl/2022/07/komisariu-cac-sergio-hornai-fo-pareser-ba-ci-ccvepl-iha-prevene-korrupsaun/