Komisariu CAC Sergio ho Delegasaun Halao Sorumutu Kortezia ho Estrutura Prinsipal Autoridade RAEOA

Komisariu Comissão Anti-Corrupção (CAC) Sergio Hornai akompanha husi Komisaru Adjunto ba Asuntu Prevensaun no Sensibilizasaun Luis de Oliveira Sampaio ho estrutura Espesialista Anti-Korrupsaun (EAK) Unidade DRBI nian Segunda-feira (4/7) semana ne’e halao vizita ofisial mai Munisipiu enclave Oecusse.

Iha loron dahuluk vizita ofisial delegasaun Komisariu CAC nian Segunda-feira (4/7) loraik ne’e, Komisariu Sergio Hornai halao sorumutu kortezia ida ho estrutura principal autoridade RAEOA tomak nian ne’ebé lidera husi Prezidenti Adjunto RAEOA Leonia Monteiro ho objetivu atu hametin kooperasaun iha luta kolektiva Timoroan sira nian ba prevene no kombate korrupsaun.

Objetivu principal husi vizita Komisariu CAC ho delegasaun nian iha RAEOA ne’e atu “HASAE KUNESIMENTU AJENTE PUBLIKU KONA-BA LEI MPCC” no implementa lejislasaun foun Nu. 7/2020 – Medidas Prevensaun no Kombate Korrupsaun (MPCC) espesialmente implementasaun programa Deklrasaun Rendimentu Bens no Intereses (DRBI) ba servidor povu sira ne’ebe haknar-an iha munisipiu special RAEOA.

Ho vizita delegasaun Komisariu CAC Sergio nian iha RAEOA ne’e bele akompanha direta progresu servisu boa-governasaun, akuntabilidade, integridade, transparansia nian iha munisipiu special RAEOA nian.

Vizita ofisial Terseira Mandatu Komisariu nian ida ne’e nudar vizita ofisial Daruak hafoin simu pose iha loron 27 fulan Junu tinan 2019. (*)

Permanent link to this article: http://cac.tl/2022/07/komisariu-cac-sergio-ho-delegasaun-halao-sorumutu-kortezia-ho-estrutura-prinsipal-autoridade-raeoa/